ZPM chu an sawrkar hmaa an intiam ang lo zelin an sawrkar hnu ah an khawsa tih MNF adviser K Lalrinliana chuan a sawi.
Zirtawpnia MNF office-a inkhawmah K Lalrinliana chuan ZPM chu an sawrkar hmaa an intiam ang lo zelin an khawsa a, kan ti ang an tih chu kan ti loang, an tihna ang zelah a ngai tih a sawi.
Hmunphiah chingtute hmunphiah lei sak a tiam a. Hmunphiah chingtute nasa taka an buai laiin, chief minister chuan he thilah hian sawrkarin thiam loh a nei lo, agency thiam loh a ni a, kan tuar tlang a ni ber, tiin a sawi leh si tih a sawi. “Chief minister hian mawhphurhna a lak ngam loh zia a tilang a. Agency mawhpuh loin, kan lo ti dik tawk lo a ni, ti ngam se,” a ti.
Contract hnaah nasa taka party mite an duhsakna ve tho niin MNF adviser hian a sawi bawk. A thawk tur dik tak ten thawk loin duhsak zawng an inpe nasa a. Sum inrenchem a, tan lak tum si, nasa takin an ti lapse a, changkan aiin hniam lam kan pan zel, tiin a sawi.
Supply minister hlui K Lalrinliana chuan, ration card var hmangte tana buhfai man tihsan chungchangah Finance department atangin tih san rawtna a awm thin a, mirethei leh harsa zawkte dinhmun ngaihtuah chungin MNF sawrkar laiin an tisang loa, central ministry nasa taka an dawrna an hriatthiam pui zel a, ti to loin an sem chhunzawm thei niin a sawi.
Sawrkar hmasa thil tha tih chu ZPM sawrkar chuan anmahni hmalakna ang maiin an puangzar hreh lo niin a sawi bawk. “An sawrkar hnua thil tha lo lam thlengah erawh sawrkar hmasa an mawhpuh zar zar thung a, thudik hria mipui an zah lo hle,” a ti.
An intiam lo ang zelin an khawsa – MNF adviser
Get real time updates directly on you device, subscribe now.
Prev Post