Ligue 1 bik home game hnuhnung vawi-sariha goal chhuah lo fai vek Paris St-Germain chuan an tlin em em ta bik lo a, Pathianni zanah an mikhual Lorient chuan 3-1 ngawtin Paris club an hneh a, kumin inelna hrang hranga Ligue 1 hma-hruaitu team vawikaw tlawmna chiah a ni.
August-November 1989 khan league home game vawiriatah PSG hian goal an chhuah lo fai vek a, kha kha top flight bika goal an chhuah loh zawn rei ber tum niin, an record ding lai an tluk zo ta lo chiah chiah.
Pathianni zan in-khelah mikhual team chefuh hmasa reng rengin, minute 15-na lekah Enzo le Fee chuan Romain Faivre thawh-rah atangin Lorient hmahruaina a thun a; minute nga a liam leh rualin mualneitu team buaina belhchhahtu red card hmuh tur awmin, Achraf Hakimi chu yellow card vawihnih hmuh tlin avangin hnawhchhuah a ni.
A tlem zawk an nih hnu hian darkar chanve khelh tlin hma chiahin Kylian Mbappe chuan home team siphurh a sut a, mahse, minute 39-ah Darlin Yongwa chuan mikhual hmahruai nawnna goal thawh ve lehin, second half minute 88-ah Senegalese forward Bamba Dieng chuan chiang lehzual zawka Lorient chakna goal a thawh ve leh a, mualneitu team-in kut-bengin an khelmual hmanthiam Parc des Princes an chhuahsan.
League khelh nga chiah awm tawhah PSG hian table-a an hmahni hnaihbertu pa-hnihna Marseille chu point ngain an la kalsan a; Pathianni inkhel dangah 2-1-a an mi-khual Auxerre hnehin Marseille hian hma-hruaitu team nena an inkar an pawtzim hlek.
An muala PSG goal chhuah hun a thleng ve ta nge nge
Get real time updates directly on you device, subscribe now.
Next Post