An sawi loh ang zelin an awm – MNF MLA

ZPM sawrkar chu ruahman lawkna fel engmah neiloin a kal a, an sawi loh ang zelin an awm mek tih MNF MLA Lalrintluanga Sailo chuan a sawi.
Zirtawpni Lungleia MNF office-a inkhawmah MNF National Core Committee member ni bawk Lalrintluanga Sailo chuan ZPM sawrkar thar chu ar khawthim daiin an dai pawp pawp a, ruahman lawkna fel engmah an nei lo nia sawiin, “An sawi loh ang zelin an awm mek a, an sawrkar hi an kal rei lo tawp ang. Politics-ah chuan kan chak rih loh hian kan chak dawn tihna a ni a. Kan chak mek a nih chuan kan la chaklo dawn tihna a ni. Rinawmna leh dikna hi politics-ah a tlo ber,” a ti.
LADC-a MDC seat khat by-election, LADC-ah VC inthlanpui leh MADC-a MDC seat khat ruaka inthlan turah beiseina sang tak an nei tih a sawi a ni.
MNF senior vice president Dr R. Lalthangliana chuan thingtlang khaw te zawk, khaw 235-a MNF sawrkarin health clinic a dinah health worker leh thawktute mamawh hrang hrang an pe a, duhthusam diak diak angin mamawh ang pe zo hman loin, phuisui zawka enkawl zel an tum laiin sawrkar a inthlak a. Emergency-a nau neih, accident leh natna hrang hrangah damdawi in lian zawk pan hman lote tana tangkai em em chu ZPM sawrkarin ngaihtuah chiang hmasa loin a titawp ngawt niin a sawi. “Thil thaah chuan sawrkar hmasa hmalakna chhunzawm hi sawrkar puitling zia a ni,” a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More