Anne Murray-i’n Lifetime Achievement Award dawng dawn

Anne Murray-i’n Lifetime Achievement Award dawng dawn
Anne Murray chuan 2025 Juno Awards-ah lifetime achievement award a dawng dawn a, he award dawng thei pahnihna leh artist zinga dawng hmasa ber leh hmeichhe zinga dawng hmasa ber tur a ni. Anne Murray hi Canadian Music Hall of Fame-ah 1993 kan lak luh a ni tawh bawk.
Anne Murray hi Juno Awards-ah a mikhual lo hle a, ani aia he award dawng tam zawk hi tumah an la awm lo a, 2025 ceremony-ah hian Lifetime Achievement Award hi National Arts Centre-in an hlan dawn a ni. Juno Awards-ah hian lifetime achievement award hi hi 1989 khan Canadian film & broadcast executive Pierre Juneau-a’n a dawng a, Juno Awards hming an puttirna chhan Juneau hi kum 89 mi niin, 2012 khan a boral tawh nghe nghe a ni.
Juno Awards hi March ni 30 hian Rogers Arena, Vancouver-ah an sem dawn a, Anne Murray, kum 79, hian 1971 khan a vawi khat nan Juno Award dawngin, top female vocalist a dawng a, tunah chuan Juno Awards hi 26 dawng tawhin, dawng hnem ber a la ni a, The Weeknd (22), Bryan Adams (21), Celine Dion (20), Orchestre Symphonique de Montreal (19), The Tragically Hip (17) leh Michael Buble (15) leh Alanis Morissette (15) ten an dawt.