Gaga-i’n Hot 100 chart-a lang thei hla10 nei

Lady Gaga album thar ‘MAYHEM’ chu Billboard 200 (albums) chart No.1-ah a debut kha a ni a, a No.1 album pangana niin, No.1 album ngahah Janet Jackson nih rualin hmeichhe zaithiam zinga No.1 album ngahah pangana an ni a, Taylor Swift (14), Barbra Streisand (11), Madonna (9) leh Beyonce (8) te an pha lo. Hetihrual hian MAYHEM album-a hla 10 zet chu Billboard Hot 100 (singles) chart-ah a lang thei,
MAYHEM album-ah hian Hot 100 chart-a Kar nga No.1 ni thei Bruno Mars nena an zaidunna ‘Die With a Smile’ chu tunkar chart-ah No.2 a la ni a, hei bakah hian a hla dang pakua chu Hot 100 chart-ah a lang thei a, tihian he chart-a lang thei hla 46 a nei tling ta a ni.
Gaga hla he chart-a lang hmasa ber chu ‘Just Dance’ featuring Colby O’Donis niin, August 2008-ah chart-ah a vawi khat nan a lang a, January 2009-ah a vawi khat nan No.1 kaiin, tunah chuan he chart-a No.1 kai thei hla paruk nei tawhin, top 10-a lang thei hla 18 a nei tawh bawk.
Tunkar Hot 100 chart-a Lady Gaga hla lang te chu:
No. 2, “Die With a Smile,” with Bruno Mars
No. 19, “Abracadabra”
No. 52, “Garden of Eden”
No. 61, “Vanish Into You”
No. 69, “How Bad Do U Want Me”
No. 71, “Disease”
No. 81, “Perfect Celebrity”
No. 85, “Zombieboy”