Antibiotic \anpuitu chini!

Thirfiante khat chini hian infection tireh turin antibiotics hnathawh a tanpui thei an tih tlat chu!
Mithiam ten zirchianna neiin fructose (thlai a chini awm ang chi) chuan natna benvawn siamtu infection thenkhat tihlum turin damdawi hnathawh a tichak thei niin an sawi a, “Chini hian infection laka antiobiotics hnathawh a tichak thei a ni,” an ti.
Bacteria thenkhat chu antibiotic-in hna a thawh theih loh nan anmahni tawkin an in shut-down thei a, chutianga an awm chuan antibiotic ei pawhin awmzia a nei thei lo niin journal Nature-ah tarlan a ni.
Eng emaw hnuah chutianga in shut-down bacteria te chu an rawn nung leh a, natna ngai bawk an rawn thlen leh ta thin a ni.
Boston University-a mithiam te chuan hetianga in-shut-down bacteria te tih nun nan chini chu eng anga hmantlak nge a nih, tih an enchhin a. Chini chuan bacteria te chu antibiotic laka atanga a in-shut-down tur a veng thei a, antibiotic hnathawh a tichak tih an hmuchhuak ta niin an insawi.
Mithiamte chuan Eschericia coli (E. coli) bacteria-ah enchhinna hi an nei a, C. coli chu zunkawng infection (urinary infection) siamtu pakhat a ni. Mithiam ten an enchhinnaah chuan chini leh antibiotic an hman kawp hian bacteria 99.9% an tihlum thei a, chini tel lo chuan antibiotic hian awmzia a nei lo niin an sawi thung.