Antony Blinken-an Ukraine tlawh

US Secretary of State Antony Blinken chuan Ukraine a tlawh a, hetih lai lai hian American aid package te pawhin Ukraine frontline a thleng tawh bawk.
Blinken hian Russia in Ukraine khawpui lian ber dawttu Kharkiv a hual mek laiin a tlawh a ni.
America top diplomat hian President Volodymyr Zelesnky leh official pawimawh dangte chu a hmu dawn a.
Blinken-an Ukraine a tlawh hma kar thum kalta khan US Congress chuan Ukraine tanpuina $ 61 billion pek an lo remti tawh a ni.
Blinken-an Kyiv a thlen hnuah senior US official te chuan American-funded weapons te chuan front line an thlen tawh thu sawiin chung zingah chuan air defence interceptors, artillery leh ATACMS long-range precision guided missiles te pawh a tel a ti.
“Artillery leh long-range ATACMS Ukraine khawi hmun pawh kap pha te bakah air defence mamawh ngawih ngawih te chuan frontline an thleng tawh a ni,” tiin official chuan a tarlang.
Blinken hian sleeper train-in Kyiv hi a pan a, Polish border atangin darkar kua zet tlan hnuah Kyiv a lut chauh a ni.
Thawhtanni khan south-eastern Polish town Rzeszow a lut a, he khuaa airport chu Ukraine a defence supply nan leh humanitarian aid pek luh nana major logistical hub a ni mek tawh a ni.
He airfield leh a chhehvel hi US Patriot missile defence batteries hmanga huala ven vek niin America-in Nato frontier humhim a tum zia lantirna anga ngaih a ni bawk.