AR sipai 23 chawimawi

Inspector General Assam Rifles (East) kaihhruaiin Assam Rifles chuan Thawhlehni khan Raj Bhavan-ah investiture ceremony an buatsaih a. Larsap Dr Hari Babu Kambhampati chuan sipai hna thawk tha thlanchhuah 23 hnenah chawimawina – Governor’s Gold leh Silver medal a hlan.
Ram venhim kawngah Assam Rifles-in Mizoram ramri hrulah hna pawimawh tak an thawk tih larsap hian a sawi a. Assam Rifles thawhhrimna leh state sawrkar hnathawkte an thawpui that avangin ralthuam, ruihhlo leh dan loa bungraw tawlh tam tak man a ni tawh tih a sawi. Assam Rifles zingah sipai chhuanawm tak tak heti zat chawimawi tur an awm chu lawmawm a tih thu a sawiin, officer-te leh sipai zawng zawngte chu state sawrkar hnuaia dan leh thupek kengkawhtute tha taka thawhpui chhunzawm a, Mizoram himna leh muanna atana an theihtawp chhuah chhunzawm zel turin a fuih.
AR investiture ceremony-ah hian chief secretary Dr Renu Sharma, Mizoram DGP Anil Shukla, IGAR (East) major general Vinod Kumar Nambiar leh DIG 23 Sector Assam Rifles Brigadier Girish Upadhya bakah AR officer-te leh sawmbikte an tel a ni.