Arab ramah player thlen belh zel

Cristiano Ronaldo leh Lionel Messi meuh thlemlut thei Arab football chuan Europe an rawk kal zel a, Chelsea defen-der Kalidou Koulibaly pawhin Saudi Pro League club Al-Hilal a zawm fel ve leh ta.
Senegal tana game 71 khel tling Koulibaly hma hian Wolves mid-fielder Ruben Neves pawh Saudi Pro League club hian pound makta-duai 47-in an senglut tawh a, Arab team hau-sain Blues centre-back an leina man zat erawh puanzar a ni lo.
Kum 32 mi Koulibaly bakah Chelsea midfielder N’Golo Kante pawhin Saudi champions Al-Ittihad zawm chu a thuphungin a remti tawh a, a team-mate Edouard Mendy pawhin Al-Ahli player ni turin buaipui ngai a buaipui ve mek bawk.
Koulibaly hi nikum July thla mai khan Chelsea chuan kum li chhung kawl turin Napoli a\angin an senglut a; Stamford Bridge a pan hmain Europe leh international kawtkaiah tawnhriat zau tak nei tawhin, kum 2020 khan Napoli chu Italian Cup-ah a champion-pui a, nikum mai khan Senegal chu Africa Cup of Nations champion a nihpui bawk.
A kum a lo tam ve ta deuh bawk nen Stamford Bridge club tan season liamta khan inelna hrang hrangah match 32 chauh khelin, Premier League game 23-ah goal hnih a tilut ve bawk.
Tarlan tak angin, Chelsea chuan Al-Hilal a\anga an defender hralhna man an ruh zat an puangzar lo a, media lam chuan pound maktaduai 20 vel ni turah an chhutsak.
Saudi Arabia hian European club hrang hrang a\angin superstar leh star player uaithla lam an khawm kal mek a, kumin January thla mai khan Al-Nassr chuan Manchester United a\angin Ronaldo an hruailut a, football khawvel an lo barakhaih tawh a nih kha.
Saudi Pro League-a khel tur bawkin tun season tawp rual khan Al-Ittihad pawhin Karim Benzema chu Real Madrid a\angin an lei a; tunlai hian Arsenal player Thomas Partey leh Manchester City chhawr lai Bernardo Silva-te bakah Morocco winger Hakim Ziyech pawh he league nen hian sawizawm an ni leh mek.