Ariana Grande album thar ‘Eternal Sunshine’ Spotify record

Pop superstar Ariana Grande chuan March ni 8 khan a album pasarihna ‘Eternal Sunshine’ a tlangzarh a, he album hi kumina Spotify-a ni khat thil thua album stream nasat ber a ni nghal. ‘Eternal Sunshine’ hi 2020-a a album ‘Positions’ hnua a album tihchhuah leh hmasak ber a ni.
Ariana hian January thla khan he album atanga a single hmasa ‘Yes, And?’ pawh a lo tichhuak tawh a, he hla hi Billboard Hot 100 (singles) chart-ah pawh No.1 kaiin, he chart-a a hla No.1 kai thei pariatna a ni.
Ariana Grande hi Spotify-a record siamah hian a mikhual tawh lo hle a, kumtir lamah pawh khan record siamin, a hla 14 zet chu he streaming platform-ah hian vawi tluklehdingawn stream a kai tawh a, hmeichhe zaithiam zingah Spotify-a hla vawi tluklehdingawn stream kai thei ngah ber a ni mek.