Ariana Grande “Hate That I Made You Love Me” a lar ber

Ariana Grande hla thar “Hate Thar I Made You Love Me” chu kar khat chhunga khawvel huapa hla lar ber niin, Billboard Global 200 chart No.1-ah a debut a, Grande hian he chart No.1-a lang thei hla panga a nei tling ta a ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh an ni.
Ariana Grande “Hate That I Made You Love Me” hian kar khat chhungin stream maktaduai 63.4 leh download sales 81,000 a nei thei a, hei hi chart No.1-ah a debut pui ta a ni. He hla hi July ni 31-a a tlangzarh tur, a studio album pariatna ‘Petal’ atanga a lead single a ni.
Ariana Grande hian a hla dang pali he chart No.1 hi a lo kaipui tawh bawk a, March 2024 khan “We Can’t Be Friends (Wait for Your Love)” chu No.1 kaiin, January-February 2024 khan “Yes, And?” chu kar hnih a No.1 pui a, May 2021-ah The Weekend nena an zai dunna “Save You Tears” No.1 puiin, November 2020-ah “Positions” a No.1 pui tawh bawk.
Drake hla hit “Janice STFU” chu kar hnih a No.1 hnuah No.2-ah a tawlh ta a, chart No.1 hlui tho Michael Jackson “Billie Jean” chu No.3-ah bawk a la awm a, Olivia Rodrigo “The Cure” chu No.2 atangin No.4-ah a tawlh a, chart No.1 hlui BTS “Swim” chu No.4 atangin No.5-ah a tawlh ta bawk.
Billboard Global 200 Top 10:
1 Hate That I Made You Love Me – Ariana Grande
2 Janice STFU – Drake
3 Billie Jean – Michael Jackson
4 The Cure – Olivia Rodrigo
5 Swim – BTS
6 Dracula – Tame Impala & JENNIE
7 Beauty And A Beat – Justin Bieber Featuring Nicki Minaj
8 Choosin’ Texas – Ella Langley
9 Beat It – Michael Jackson
10 Babydoll – Dominic Fike