Army Chief thar Gen. Upendra Dwivedi

Gen. Upendra Dwivedi chuan June 30 khan Gen. Manoj Pande thlakin Chief of Army 30-na atan thuneihna a chang ta.
Gen. Dwivedi hi China leh Pakistan frontiers-ah tawnhriat ngah zet mai niin Chief a nih hma hian Vice Chief a ni a.
Kumin February 19 a Vice Chief of the Army Staff a nih hma khan Gen. Dwivedi hian General Officer Commanding-in-Chief of Northern Command hna a thawk a.
India-in China nen Line of Actual Control (LAC) a boruak duhawm lem lo a neih laiin Gen. Dwivedi hian India sipai 1.3 million te a enkawl dawn a ni. Chief of Army Staff a nih angin Navy leh Indian Airforce te nen sorkar in hautak tak maia theatre commands plan kalpui a tumah an thawhho that hle a ngai dawn bawk.
Sainik School, Rewa chhuak Gen. Dwivedi hi Indian Army hnuaia 18 Jammu and Kashmir Rifles-ah December 15, 1984 khan command niin a hnuah he unit hi a command zui a ni.
Kum 40 dawn sipai a tan chhungin fak hlawh leh dinhmun sang tak tak chelhin command hrang hrang, staff, instructional leh foreign appointment lam thlengin a enkawl a ni.
Gen.Dwivedi an a command tawh zingah regiment (18 Jammu and Kashmir Rifles), Brigade (26 Sector Assam Rifles), Inspector General, Assam Rifles (East) leh 9 Corps te pawh an tel.
Param Vishisht Seva Medal, Ati Vishisht Seva Medal leh GOC-in-C Commendation Cards pathum dawng tawh a ni bawk.
Northern Army commander a nih laiin Gen. Dwivedi chuan northern leh western border ah operational oversight planning tha zet mai leh sustained operation felfai tak a kalpui a, Jammu and Kashmir-ah counter-terrorism operation fel taka ruahmantu a ni bawk.
Jammu and Kashmir a awm lai hian China nena ramri buai nuai nuai chinfel a nih kawnga inbiaknaah a tel chamchi bawk.
Indian Army modernisation lamah pawh thawhhlawk tak niin Atmanirbhar Bharat (self-reliant India) hnuaia indigenous equipment hmang kawnga hmalakna kalpui bertu a ni bawk.