January 7, Thawhleh zan khan English Carabao Cup semi-final thawh khatna khelh a ni a. Emirates Stadium-a lenglut Newcastle United chuan si hnih faiin mualneitu Arsenal an hneh a, final an hnaih leh zual. Semi-final second leg hi St James Park-a khelh tur a nih vangin Newcastle tan final luh theihna kawng a inhawng zau leh zual.
Tunhnaia khel tha zawn tan Newcastle hi EPL-a pahnihna ni mek Arsenal mualah an tlangnel hle. Mualneitu Gunners hian an mualah chak theihna hun tha tak nei tura ngaih ni bawk mah se beisei angin an khel tha tawk lo. Goal lut a awm theih lawk loh hnuin Goalkeeper Martin Dubravka free-kick atanga ball kal zel chu Alexander Isak chuan minute 37-naah goal-ah a chantir a, hmahruaina goal a thun. Club lian zawkte pawhin lak tuma an hel mek Isak hian season kal mekah game 15 atangin goal 14 a thun tling der tawh a, goal a thun tluang hle. Arsenal lakah goal a thun leh tak vangin amah hel mektute chil a put nasa leh zual hle ngei ang.
An si phurh sut tumin tan khawh viau mah se Arsenal in goal an thun thei lova, second half-ah goal an chhuah belh leh thuai. Isak pet tha tak chu si nghak Raya chuan dang bawk mah se ball kal let leh tur Anthony Gordon chuan minute 51-naah awlsam takin a pet goal a, an goal hnihna a thun. Arsenal tan hian Gabriel Martinelli, Jurrien Timber leh William Saliba ten goal thun theihna hun tha nei mah se an hlah vek a. An mualah ngei Newcastle hneh lovin an lawm phah ta a ni. Second leg-ah tlawm an pumpelh thei a nih chuan an la champion ngai lohnaah champion thei turin Magpies in final an lut ang.
Arsenal hnehtu Newcastle in final an hnaih
Get real time updates directly on you device, subscribe now.
Next Post