Artist 100-ah Tarlor Swift kar 72 a No.1 tling ta

Taylor Swift chuan Billboard Artist 100 chart-a No.1 ni ngun ber a nihna a sawhnghet telh telh a, tunkar chart-ah No.1 lehin, tihian he chart-a a No.1 tawh zawng zawng belhkhawm chu kar 72 a tling ta a ni. Hetihrual hian Lil Uzi Vert, aespa leh Olivia Rodrigo te pawh chart top 10-ah an lang.
Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian kar khat chhunga album leh hla an hralh tam dan te, radio airplay leh streaming te chu tehna pawimawih a ni.
Taylor Swift hian Eras Tour neiin a album thar ber bakah a hlui leh a album hlui a record thar leh te pawh a lar thar leh a, a hla hralh a kal lehzual bawk a, hei hian chart ranking-ah pawh tunlai chu a vawrh sang hle a ni.
Swift album thar ber ‘Midnights’ chu Billboard 200 (albums) chart-ah No.4 a la ni a, ‘Lover’ album pawh No.9 niin, 2006-a a debut self-title album pawh chart-ah a rawn lang thar leh a, tunkar Billboard 200 (albums) chart-ah a album 10 a lang a, hetiang hian hum li lai a nei tawh a, zaithiam zingah hetiang ti thei hmasa ber a ni. Swift hla ‘Cruel Summer’ pawh Billboard Hot 100 (singles) chart-ah No.7 a kai thar a, a hla dang ‘Karma’ featuring Ice Spice chu No.9 niin, ‘Anti-Hero’ pawh No.18 a la ni a, heng te hian Artist 100 chart-ah tuma el phak rual lohin a No.1 tir leh ta a ni.
Rapper Lil Uzi Vert pawhin a album thar ‘Pink Tape’ hralh hhat zar zoin, Artist 100 chart No.2 a ni. ‘Pink Tape’ hi Billboard 200 (albums) chart No.1-ah debut a, hei bakah he album-a a hla 18 zet chu Hot 100 chart-ah langin, chung zingah chuan ‘Flooded the Face’ chu sang berin, No.11 a ni.
Aespa pawh No.5 an kai thar ve leh ta a ni, anni pawhin an mini album thar ‘MY WORLD’ hralh hhat zar an zo a, he album hi Billboard 200 chart No.5 a debut a ni.
Olivia Rodrigo pawh No.8 niin, ani pawhin a hla thar ‘Vampire’ hralh hhat zar a zo a ni. He hla hi tunkar Billboard Hot 100 chart No.1-ah a debut a, he chart-a No.1 kai thei hla pathum a neihna a ni bawk.