Taylor Swift chu kar khat chhunga US-a zaithiam lar ber niin, Billboard Artist 100-ah a No.1 a, he chart-a a No.1 tawh zawng zawng belhkhawm chu kar 90 a tling ta a, he chart-a No.1 ni ngun ber a nihna a sawh nghet leh ta sauh a ni. Hetihrual hian Nicki Minaj leh Tate McRae te pawh top five-ah an lang e.
Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian kar khat chhunga US-a an album leh hla hralh tam dan te, streaming leh radio airplay te chu tehna pawimawh a ni. Taylor Swift hian a album leh hla a la hralh tha a, Billboard 200 (albums) chart-a lang thei album 10 a nei a, chung zinga album pali chu top 10-ah langin, Billboard Hot 100 (singles) chart-a lang thei hla pathum a nei bawk.
Nicki Minaj pawh No.2-ah a rawn lang ve leh ta a, ani hian a album thar ‘Pink Friday 2’ hralh that zar a zo a, he album hi kar khat chhungin US-ah 2,28,000 hralhin Billboard 200 (albums) chart-ah a No.1 a, he album-a hla 14 te chu Hot 100 chart-ah an lang thei bawk.
Morgan Wallen chu No.3-ah bawk a la awm a, Drake pawh No.4 a la ni a, Tate McRae chu No.33 atangin No.5-ah a invawrh a, he chart top10-a a lan vawi khatna a ni. Tate McRae hian a album thar ‘Think Later’ hralh that zar a zo a, a album hi Billboard 200 chart-ah No.4 niin, he chart top 10-a lang thei album a neih vawi khatna a ni bawk
-- Advertisement --
Billboard Artist 100 Top 10:
1 Taylor Swift
2 Nicki Minaj
3 Morgan Wallen
4 Drake
5 Tate McRae
6 Zach Bryan
7 Olivia Rodrigo
8 Michael Buble
9 SZA
10 Mariah Carey