Arvind Kejriwal man chu dan kalh a ni tiin Supreme Court hnenah Delhi Chief minister counsel chuan a hrilh a. December 2003 thleng khan CBI chargesheet leh ED prosecution complaint a document 10 ah a hming a lang tel lo a. Anti-money laundering law in a phut angin a statement record awm miah lo leh thuzawhfiah pawh ni hauh lovin man a ni tiin senior advocate Abhishek Manu Singhhvi chuan a sawi.
“Mi man theihna hi mi man mamawh ngei tulna nen a inang lo. Rinhlelh vang ringawt ni lovin thiamlohna a awm ngei tur a ni a. Chu chu Section 45 PMLA (Prevention of Money Laundering Act) duhdan a ni” tiin a sawi bawk.
Kejriwal chuan amah manna chu top court-ah khing letin chu mai bakah chhuah lailawk turin a ngen bawk a. Amah an manna chu dan kalh tiin a sawi a ni.
Eng vangin gne Kejriwal chuan trial court hnenah bail dilna a siam loh tih chu Singhvi chuan chhangin Supreme Court an kal nghalna chhan chu a jurisdiction a zau zawk vang tiin a sawi bawk a.
Kejriwal chuan amah an manna chu politics thila kalpui a ni tia sawiin tun Lok Sabha inthlan mekah pawh rorel lai BJP te chuan dik lo takin advantage an neih phah a ti bawk a. Amah an manna chu Central sorkarin investigative agencies te politics lama an hmelmate tihthaih nana an hman zia pholanna a ni a ti bawk.
Arvind Kejriwal bail dilna ngaihtuah mek
Get real time updates directly on you device, subscribe now.