ASF reh fel tak tak rih lo

African Swine Fever (ASF) hrileng a zia telh telh tih a nih laiin a reh tak tak thei rih lo a, vawk thi a awm reng bakah hri luh tharna hmunah a hluar ang reng tih thu dawn a ni.AH&Vety department atanga thu dawn danin, tun hnaia finfiahna Kawlkulh velah ASF hi a hluar mek a, a tuar nasa ber an ni mek. Thawhtanni pawh khan Kawlkulhah hian vawk pasarih a thi.
Kawlkulhah ASF hmuh a nih leh tak avangin Khawzawl district chu ASF hmuhna hnuhnung ber district an ni a, Kawlkulhah chiah finfiah a la ni chungin Khawzawl district hi a tuar nasa an ni tawh; Kawlkulhah hian vawk 239 a thi tawh.
Kawlkulhin hri an tuar mek a, a zia tawhna Champhai district-ah tun hnaiah hmuh a ni leh; Hmunhmeltha, Bulfekzawl leh Lianpui khuaah te hri hi hmuh a ni leh a, Thawhtanni pawh khan Lianpui-ah hian vawk pakhat a thi. Hmunhmeltha-ah hian vawk paruk a thi tawh a, Bulfekzawlah 11, Lianpui-ah 24 a thi tawh.
Champhai district hi tun hri leng mek tuar hmasatu an ni a, a zia tawha ngaih a nih hnuah khaw thenkhatah hmuh a ni leh. Kolasib, Aizawl leh Mamit district-ahte hmuh a ni leh a, heng district pathumah hi chuan a zia rih tih thu dawn a ni. Chumi hnuah Khawzawl district-a Kawlkulhah hmuh a ni leh a, Kawlkulh hi a tuar nasatu an ni mek.
AH&Vety department-in an chhinchhiah danin, ASF hrileng thawh thumnaah hian Mizoramah vawk 737 a thi tawh a, vawk 340 tihhlum (suat) a ni tawh bawk.