Assam Accord clause tihlawhtling dawn

Assam sorkar chuan Ministry of Home Affairs (MHA) panel ruat tena Clause 6 of Assam Accord tihhlawhtlin nana April 15, 2024. rawtna an siam te tihhlawhtlin deuh vek a tum.
Chief Minister Biswa Sarma chuan North Lakhimpur khuaa Cabinet meeting neihnaah Justice (retired) Biplab Sarma kaihhruai committee tena recommendation an siam 67 zinga 57 te chu an tihlawhtling dawn tiin a sawi.
Cabinet thutlukna siam hma hian eastern Assam ah khilonjia or indigenous communities te non-Assamese leh bohiragata (outsiders) tena an chimhneh lutukna duhlohna movement tharthawh leh a ni a. Hei hi a chhan ber pawh central Assam Dhingi a August 22 a Bengali Muslims hmeichhe naupang kumtling lovin pawngsual rawn a tawh vang a ni.
“Justice Biplab Sarma Committee report tena Clause 6 report an siam Assam mipui tena hun rei tak an demand tawh tihhlawhtlin tumin hma kan la mek a. Kum thum chhung zet committee in an zirchian nan hun kan pe a, vawiinah hian committee in recommendation a siam atanga 85% lai State sorkar hnuaia awm te chu kan tihlawhtling dawn a ni” tiin Chief Minister chuan a sawi.
A bak a la bang zawng rawtna siam 67 zinga 10 te chu Centre kaihhnawih a nih avangin New Delhi nena sawihona neih a ni ang a. “Heng rawtna siam te hi ni thum ni li hnu velah mipui hriatah phochhuah a ni ang” tiin Sarma chuan a sawi bawk.
Assam Accord kha August 1985 a ziah niin State atanga ‘illegal foreigners’ te nawrchhuah an nih theih nana kum ruk lai tharumthawhna chu a tawp zui a ni. Accord a clause tam ber te chu sorkar hrang hrang ten an tihlawhtling tawh a, mahse Clause 6 bik Assamese mipuite hnena ‘constitutional, legislative leh administratice humhim’ tiamna chu tihfel mai theih a ni lo.
A chhan ber pakhatah pawh ‘tu nge Assamese’ tih chungchangah consensus a awm lo va, Assam chu hnam hrang hrang chenna hmun niin Chief Minister chuan ‘Assam a kum za chuang cheng tawh te’ tiin a sawifiah ringawt bawk.
Clause 6 ngiatna hi kum 2019 a anti-Citizenship (Amendment) Act kaihhnawihah khan hawlh lar zual leh a ni a, khami hnu khan BJP kaihhruai sorkar chuan MHA chu Justice (retired) Biplab Sarma Committee din turin an phut zui a ni. Panel te chuan February 25, 2020 khan phek 91 a tam report chu thehlutin, Prime Minister Narendra Modi pawhin Assam a rally a neihnaah Clause 6 chu tihhlawhtlin an tiam thu a lo sawi tawh bawk.
Dr. Sarma chuan group of ministers te chuan All Assam Students’ Union te a hranpaa Assam Agitation kalpuitu tena recommendation 57 an siam te pawh an sawiho ang a ti a, “Hlawhtling taka kalpui a nih theih nan roadmap kan siam a ni” tiin a sawi.
Recommendation kalpuina kawngah ‘tawng, culture leh traidtion’ thil sensitive tak te khawih pawi a nih loh nan Sixth Schedule area – Bodoland Territorial Region, the Dima Hasao Autonomous Council, leh Karbi Anglong Autonomous Council a thuneitute remtihna lak hmasak vek a ni ang a ti bawk.
Hei mai bakah hian Bengali te chen tamna southern Assam a Barak Valley a thuneitute leh mipuite remtihna pawh a hranpa a lak a ni ang, tiin Sarma chuan a sawi bawk a.
“Recommendation 57 te hi chu State pumah Sixth Scheudules area leh Barak Valley te huam tel lovin kalpui nghal a ni ang” tiin Sarma chuan a sawi bawk.