Assam CM-in Muslim sumdawngte dem

Assam Chief Minister Himanta Biswa Sarma chuan an state chhunga vegetable man sanna chhanah ‘Miya’ mi te thil tih tiin a dem thu a sawi.
‘Miya’ hi Bengali \awng hmang emaw bengal a\anga chhuak Muslim te Assam a awm te hmuhsitna \awngkam a ni.
“Loneitutena thingtlanga vegetable an hralhna man hi a sang lo. Mahse, heng thlaite hi Guwahati a hralh a nih chuan a man let thum an chhiar \hin a ni. Hengte hi Miya traders te thiltih vek a ni,” tiin Sarma chuan a sawi a.
Assamese sumdawngte chuan an mi leh sa puite chu a man pangngai aia sangin engmah an leitir ngai lo tiin a sawi a. Sarma chuan indigenous community te chu thawkrima Miya traders te vegetables, sangha leh thil dang eitur zuar tute nawr chhuak turin a ngen bawk a.
Chief Minister thusawi hi political party \henkhatte chuan an helh nghal hle a. Maulana Badruddin Ajmal, chief of the Assam-based All India United Democratic Front Dubri MP ni bawk chuan Sarma chu minority te thlurbingah a puh nghal a.
“Chief Minister in Miyas traders te vegetables leh masala Guwahati a an hralh a remtih dawn loh thu a sawi a. Chutiang \awngkam chhakchhuah chu head of State tih chi a ni lo. Hetiang thu a sawi hmang hian Muslim leh Assamese mite inkarah hem thlak a tum a ni,” tiin a sawi.
Congress te pawhin Assam chief minister thusawi chu demin sakhuana behchhana state mipui te \hendarh tumin an puh bawk a.
“He ram hian group \henkhat bawngin hnute nei lo se, arpuiin tui pawh nei lo se a chhan leh vanga Miya dem tum tlat tur a nei a ni. An mimala hlawhchhamna te chu Miya bhai te dem nan an hmang a ni,” tiin All India Majlis-E-Ittehadul Muslimeen (AIMIM) chief leh Hyderabad MP Asaduddin Owaisi chuan a sawi a.
Hei bakah hian Prime Minister Narendra Modi chu foreign Muslim te \hiana siama a ram chunga Muslim te nawr tawm siah a puh bawk.