Assam tuilian chuan zuapan zelin nunna chan pathum awm belhin leh tui chimchin a sang zel bawk a, mahse, mihring a tihbuai erawh a tlahniam thung niin official bulletin chuan a tarlang.
Luitui te lian zual zelin mi tam tak chu relief camp siamah dahin an awm mek a ni.
Assam State Disaster Management Authority (ASDMA) bulletin chuan tuilian avang hian district 13 ah mihring 5,35,246 ten harsatna an tawk mek tiin a tarlang a.
District 10 dangah pawh mi 6,01,642 in harsatna an tawk tiin a sawi bawk.
Cachar leh Nagoan district ah nunna chan pakhat ve ve awmin tihian May 28 atanga tuilian avanga nunna chan mi 18 an awm tling tawh a ni.
Lui lian zual pathum – Kopili, Barak leh Kushiyara te chu hlauhawm chhinchhiahna chunglam an la luang vek tiin ASDMA bulletin chuan a tarlang bawk a.
Tuilianin a khawihnat ber chu Nagaon district niin mi 3,03,67 te nunphung a tikhaihlak nasa hle a, a dawttu chu Cachar (1,0798) leh Hojai (86382) te an ni.
In leh lo chhuahsan mi 39,000 te chu district hrang hranga relief camp hrang hrang 193 ah an awm mek a, relief distribution centre 82 siam a ni bawk.
Chhanchhuah hna agency hrang hrang ten thawk mekin chung zingah chuan NDRF, SDRF leh local administration te pawh an tel a, tuilenna hmunah medical team te tirhluh an ni bawk.
District hrang hrangah tuilian avanga kawngpui, lei leh property a tihchhiat a nasa hle bawk.
Assam tuilian vangin mi 18 thi tawh
Get real time updates directly on you device, subscribe now.