ATKMB-in ISL final lut ve leh
Thawhtanni playoff semi-final second leg penalty shootout-ah 4-3-a defending champion Hyderabad FC (HFC) hnehin ATK Mohun Bagan (ATKMB) chuan Hero Indian Super League (ISL) final an lut a, Bengaluru FC (BFC) nen Inrinni hian Goa-ah champion nih an inchuh ang.
Vivekananda Yuba Bharati Krirangan sta-dium-a inkhelah AT-KMB hian season liamta semi-final pa-khat zawka an ngam loh HFC lakah phuba an la ta a, a vawi-khatna atana ISL title an beisei mekna kawngah BFC an su dawn a, Sunil Chhetri team hian lo hlahthlem duh tak ang maw!
Semi-final second leg inkhel minute 120 chhunga goal a luh zawh loh avangin khelh hnih belhkhawma chungnung zawk awm lo team pahnih hi penalty pet hmanga pawhthen an ngai a; shootout-ah hian Vishal Kaith-a pet chu Mohun Bagan keeper Javier Siverio chuan dansakin, a hnuah Hyderabad player Bartholomew Ogbeche chuan thelh ve lehin, captain Pritam Kotal chuan ATKMB chakna spot kick a thun a, nikum phuba la chungin West Bengal team-in final an lut.
Shootout hma pawh-in a khelh leh chuhah Hyderabad an talbuai ve reng reng a, lehlam pawl tihlauthawng khawpa shot sawi tur bar an nei lo.
Hun pum tih theih deuh thawin ATKMB lamin ‘attacking game’ an khel a, hlau-thawng reng rengin HFC an khawsa!
ATKMB-in ISL final lut ve leh
Get real time updates directly on you device, subscribe now.
Prev Post
Next Post