Kum khat chhunga grand slam tournament hmasaber Australian Open khelh \an takah Thawh\anni khan Melbourne Park-a kum 2012 leh 2013-a lo champion tawh Victoria Azarenka chuan 6-4, 7-6(3)-a Sofia Kenin hneh chungin second round a lut a, women’s singles draw lama he hmuna champion hlui awmchhun a ni.
-- Advertisement --
Kum 33 mi Belarusian laka tlawm American nula Kenin khan a grand slam title hmasaber chu kum 2020 kh^n Melbourne Park-ah hian hlawhchhuak ve tawhin, khami hnu khan hliamin a tibuai nasa hle a, chumi chungchang chu 24th seed Azarenka pawh hian inkhelh banah sawichhuakin, hliamin a tihbuai chhen tih hre bawk mah se Thawh\anni game kha a hautak dawn tih a hre sa niin a sawi a, darkar hnih zet an inbeih hnua hnehna a chan hnuah Kenin chu champion ropui a nih thu sawi chungin a fak.
Kum 24 mi Kenin hian kum thum chhung zet hliam, damlohna leh court pawn lam boruak hrang hrang avanga harsatna a tawh hnuin Margaret Court Arena-ah fighting spirit pui tak a lantir a, set hmasaberah phei chuan 3-0-in hma an hruai hman hial a, a hm^a ding kha he tournament-a vawihnih champion tawh Azarenka ber kher chu ni lo se a tan result a dang deuh mahna!
Australian Open-a Tum 15 inlan tling ta Azarenka hian Leolia Jeanjean leh Nadia Podoroska inkhel result tarlan hman loha a chak zawk zawk a tum leh ang.
Australian Open khelh tan ni, nimin vek khan hmeichhe world number one Iga Swiatek pawhin straight sets hmanga German Jule Niemeier hnehin Melbourne Park-ah hna hmasaber a hlenhhuak.
Major title pathum la tling ve tawh top seed Swiatek hian nikuma semi-final a thlenna Auatralian Open-ah hian first round-ah 6-4 7-5-in hnehna a chang a, Rod Laver Arena-a chak a lawm hnuah Polish kum 21 mi hian Camila Osorio chu round two-ah a su zui leh ang.
Colombian Osario hian top seed hmachhawn thei turin first round-ah Hungarian Panna Udvardy chu 6-4 6-1-in a paltlang ve bawk.
Third seed Jessica Pegula, Greek sixth seed Maria Sakkari leh Britain chhuanvawr Emma Raducanu hm^a fiahna lian zawk hmachhawn tur seventh seed Coco Gauff-te pawh nimin khan first round paltlang zingah an tel.
Raducanu chuan hliam avanga hun harsa a paltlang court a lut leh a, straight-set hnehna nena Australian Open second round lut turin British number one hian Germany player Tamara Korpatsch lakah 6-3 6-2 hnehna a chang.
Kum 20 mi Raducanu hian ni 11 kalta mai khan Auckland lamah a kheimit a tin^ a, Melbourne Park-ah a inlan thei dawn em tih a chian loh hman hial hnuah hnehna nen bul a tan thei ta a ni.
Nimin vek khan American Pegula pawhin Romania nula Jaqueline Cristian chu minute 59 lek chhungin 6-0 6-1-in a sawp hman a, Czech qualifier tleirawl kum 15 mi lek Brenda Fruhvirtova laka 7-5 6-2 hnehna sualchhuak Belarusian Aliaksandra Sasnovich nen third round luh an inchuh zui leh ang.
Inkhel dangah Sakkari pawhin 6-1 6-4-in Chinese Yue Yuan lakah hnehna a chang a, tleirawl kum 18 mi Russian quali-fier Diana Shnaider a su leh dawn a ni.
Hetih lai hian American mihang nula Gauff chuan Czech Katerina Siniakova laka 6-1 6-4 hnehna changin second-round lamah Raducanu a hmachhawn dawn tih tarlan a ni tawh.
Nikuma eunner-up American Danielle Collins chuan set thum inkhelh hnuah Russian Anna Kalinskaya chu 7-5 5-7 6-4 a paltlang a; hetih lai hia Wimbledon champion leh 22nd seed ni bawk Elena Rybakina pawhin Italian Elisabetta Cocciaretto chu court 13-ah 7-5 6-3-in a vawtla ve bawk.
2019 finalist Petra Kvitova pawh first round paltlang zingah telin, Belgian Alison van Uytvanck lakah 7-6 (7-3) 6-2 hnehna a sualchhuak a; a chipui Czech Barbora Krejcikova pawhin a chipui tho, tlerawl kum 16-a upa Sara Bejlek lakah 6-3 6-1 hnehna a lawm.
Canada nula, 2019 US Open winner Bianca Andreescu chuan Czech 25th seed Marie Bouzkova lakah 6-2 6-4 hnehna nuamsa hlawhchhuakin, Latvia nula, 2017 French Open champion Jelena Ostapenko pawhin Ukraine player Dayana Yastremska chu 6-4 6-2-in a hneh ve bawk.