Nimin chhun khan Vivanta Hotel, Guwahati-ah Autocar India buatsaihin ‘Autocar Regional Dialogues’ neih a ni a, hetah hian GIG Motors CEO John Lalpeka chu panel-ah telin ‘How Green are Dealerships?’ tih thupuia hmangin sawihona an nei a ni.
Autocar India hi lirthei leh a kaihhnawih chi hrang hrang ziaktu, rampum huapa hriathlawh tak niin, ‘Autocar Regional Dialogues’ hi an nei fo tawh a, tun tum hi Mizoram atanga panel a thu tur an sawm vawi khatna ni a hriat a ni.
Tun tum ‘Autocar Regional Dialogues’ series-ah hian an thupui ‘How Green are Dealerships?’ tih huam chhunagah hian Indian Automobile Industry-in chona hrang hrang a hmachhawn leh India-a automobile industry nghawngtu thil chi hrang hrang te sawihona neih a ni a, John Lalpeka hi Mizorama Maruti Suzuki dealership, GIG Motors CEO a nihna anga panel a thu tura sawm a ni.
He event hi automotive journalist hriathlawh tak Renuka Kirpalani-i’n a kaihruai a, ani hi kum 20 chhung zet Autocar India-a Executive Editor a nih hnuah, fulltime a executive editor nihna chawlhsan a, consulting editor ni lai a ni a, rampum huapa automotive journalist hriathlawh ber pawl a ni. He event-ah hian India ram hmun hrang hrang atanga sawm bik ten sawihona hun hi an hmang a ni.
Autocar Regional Dialogues panel list-ah John Lalpeka tel
Get real time updates directly on you device, subscribe now.
Prev Post
Next Post