‘Avatar 3’-in $1B a la lut tling ta
‘Avatar 3’-in $1B a la lut tling ta
James Cameron film siam, ‘Avatar’ film pathumna Avatar: Fire and Ash’ chuan tun weekend kalta khan North America-ah cinema hall ticket hralhna atangin dollar maktaduai 40 la lut lehin, North American box office No.1 a ni a, tihian US-a a sum lak luh zawng zawng dollar maktaduai 303 a tling ta a, US pawnah dollar maktaduai 129.6 la luh belhin, US pawna a lak luh zawng zawng chu dollar maktaduai 771.1 a tling ta bawk.
Avatar 3-in US leh US pawna a lak luh belhkhawm chu dollar tluklehdingawn 1.083 a tling ta a, heti hian 2025-a film tlangzarh zinga cinema hall ticket hralhna atanga dollar tluklehdingawn la lut thei pathumna a ni. Nikuma film tlangzarh dollar tluklehdingawn la lut thei dang chu Disney film ‘Lilo & Stitch’ (dollar tluklehdingawn 1.038) leh ‘Zootopia 2’ (dollar tluklehdingawn 1.558) te an ni.
‘Zootopia 2’-in tun weekend kalta khan US-ah dollar maktaduai 19 la lut lehin No.2 a la ni a, tihian kar ruk chhungn US-ah dollar maktaduai 363.6 a la lut tling tawh a, US pawna a lak luh nen chuan dollar tluklehdingawn 1.558 a tlin ta a ni.
The Housemaid pawhin weekend vawi thumnaa dollar maktaduai 14.8 la lut lehin No.3 a la ni a, kar thum chhungin US-ah dollar maktaduai 75.7 a la lut tling ve ta bawk.
Timothee Chalamet channa ‘Marty Supreme’-in a weekend vawi thumnaah dollar maktaduai 12.5 la lutin, No.4 a ni a, kar thum chhungin US-ah dollar maktaduai 56 a la lut tling ta. He film hi Josh Safdie direct niin, 1950s table tennis champion chanchin vel tarlanna a ni.
Critics lamain an fak lem loh, Anaconda-in weekend vawi hnihnaah dollar maktaduai 10 la lut lehin, No.5 a ni a, tihian US-ah dollar maktaduai 56 la lut tawhin, US pawna a lak luh nen chuan maktaduai 88 a tlin ta.
Box office top 10:
1 Avatar: Fire and Ash $40,000,000
2 Zootopia 2 $19,000,000
3 The Housemaid $14,865,000
4 Marty Supreme $12,554,127
5 Anaconda $10,000,000
6 The SpongeBob Movie: Search for Squarepants $8,200,000
7 David $8,002,169
8 Song Sung Blue $5,810,000
9 Wicked: For Good $3,260,000
10 Five Nights at Freddy’s 2 $2,700,000