Taylor Swift ‘The Life of a Showgirl’ kar 12 a No.1 tling ta

Taylor Swift album ‘The Life of a Showgirl’ chu Billboard 200 (US albums) chart-ah a No.1 a, he chart-ah hian a zawn lovin kar 12 a No.1 tling ta. Hetihrual hian Peso Pluma le Tito Double P te ‘DINASTIA’ chu top 10-ah a debut.
Kumina Billboard 200 chart ranking an tihchhuah hmasak berah Taylor Swift ‘Showgirl’ hi No.1 lehin, tihian a zawn ni lovin he chart-ah hian kar 12 a No.1 tling ta, Swift album-ah chuan he chart-a No.1 ni rei ber dawttu niin, kar 17 No.1 ni thei The Tortured Poets Department chiah a pa lo.
Billboard 200 chart hi kar khat (Zirtawpni – Ningani) chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album-a hla a mala hralhna atanga album tlukpui te belhkhawm thin a ni.
‘The Life of a Showgirl’ hi kar khat chhungin 81,000 an hralh leh a, chung zinga 47,000 chu streaming atanga album tlukpui (on-demand official stream maktaduai 61.58) niin, album tak tak hralh chu 33,000 a ni a, album-a hla a mala hralhna atangin 1,000 a tling thei bawk.
He chart-a No.1 lo ni tawh Morgan Wallen album ‘I’m the Problem’ chu 69,000 hralh lehin No.6 atangin No.2 a kai thar leh ta a, chart No.1 hlui bawk KPop Demon Hunters soundtrack chu 51,000 hralh lehin No.10 atangin No.3 a kai leh ta a, Olivia Dean ‘The Art of Loving’ chu 50,000 hralh lehin No.14 atangin No.4 a kai leh ta a, tun hi he chart-a a thlen san ber a la ni. Chart No.1 hlui Sabrina Carpenter “Man’s Best Friends’ chu 40,000 hralh lehin No.19 atangin No.5 a kai thar ve leh ta bawk.
Peso Pluma leh Tito Double P te album thar ‘DINASTIA’ chu 33,000 hralhin No.6-ah a debut a, chung zingah chuan streaming atangin 33,000 niin, album hralhna hi streaming atanga album tlukpui vek a ni.
Chart No.1 hlui pali-in dawtin, SZA ‘SOS’ chu 32,000 hralh lehin No.24 atangin No.7-a kai thar leh ta a a, Tate McRae ‘So Close To What’ pawh 32,000 tling lo deuh hralh lehin No.27 atangin No.8 a kai thar leh ta a, Morgan Wallern ‘One Thing at a Time’ chu 27,000 hralh lehin No.36 atangin No.9 a kai thar leh ta a, Sabrina Carpenter “Short n’ Sweet’ chu 27,000 tling lo deuh hralh lehin No.30 atangin No.10 a kai thar ve leh ta bawk.