AYUSH hmanga ruihhlo ngaite enkawl dan medical officer-ten zir

AYUSH hmanga ruihhlo ngaite enkawl dan medical officer-ten zir
National AYUSH Mission, Directorate of AYUSH Mizoram leh Mental Health Programme Social Welfare Department tangho bultumin, medical officer-te tan AYUSH De-Addiction Programme lam zirhona buatsaih chu Thawhlehni khan Aizawlah nei tanin, Health & Family Welfare leh Social Welfare minister Lalrinpuii’n a hmanpui.
National Drug Dependence Treatment Centre AIIMS New Delhi-a professor, Dr Ravindra Rao chu resource person a ni a. India ram hmun hrang hrangah Mizoram anga Health department leh Social Welfare department thawhdunn hi a la hriat tam loh thu sawiin, rah tha tak a chhuah a beisei tih a sawi a ni.
Training hi ni thum awh tur niin, ruihhlo leh a kaihhnawih ngawlveite enkawlna chungchang zirho a ni a. Resource person hian thupui hrang hrang 15 hmangin medical officer-te a zirtir dawn a ni.
Training hi a bultanna tur niin, tuna a zirchhuakte hian midang hnenah zirtirna an la pe chhawng leh dawn a ni. Department pahnih tangdun hian training module duang turin ruahmanna an siam a. Siam zawh a nih hunah tlawmngai pawl hrang hrang leh a huapzau zawka ngawlveite enkawlna inzirtir a ni ang.