Bad Bunny ‘Debí Tirar Más Fotos’ a la No.1
Bad Bunny ‘Debí Tirar Más Fotos’ a la No.1
Bad Bunny album thar ‘Debí Tirar Más Fotos’ chu Billboard 200 (albums) chart-ah a No.1 a, he chart-a kar hnih a No.1-na a ni ta. Hetihrual hian Mac Miller album thar ‘Balloonerism’ chu top five-ah a debut bawk.
Billboard 200 chart hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album-a hla mal hralhna atanga album tlukpui te belhkhawm thin a ni.
Bad Bunny ‘Debí Tirar Más Fotos’ hi kar khat chhungin 1,51,000 an hralh leh a, chunga zinga 1,46,000 chu streaming atanga album hralhna tlukpui (on-demand official stream maktaduai 198.78) niin, album tak tak hralh cu 4,000 a ni a, album-a hla mal hralhna atangin 1,000 a tling thei bawk.
Bad Bunny hian Billboard 200-a No.1 kai thei album pali nei tling tawh a, ‘Debí Tirar Más Fotos’ hi kar khat aia rei No.1 thei pahnihna niin, 2022-a a album ‘Un Verano Sin Ti’ chu kar 13 chhung a No.1 thei a ni.
Chart No.1 hlui SZA ‘SOS’ chu 90,000 hralh lehin No.3 atangin No.2 a kai thar ve leh bawk.
Mac Miller album thar ‘Balloonerism’ chu 81,000 hralhin No.3-ah a debut a, 41,000 chu album tak tak hralhna niin, 40,000 chu streaming atanga album hralhna tlukpui (on-demand official stream maktaduai 51.56) niin, hla mal hralhna chu chhiar tham a ni lo.
Mac Miller hi 2018 khan a boral tawh a, Balloonerism-a hla te i 2014 vela a lo record tawh te a ni hlawm a, chart top 10-a Mac Miller album lang thei pariatna a ni.
Chart No.1 hlui Kendrick Lamar ‘GNX’ chu 59,000 hralh lehin No.4-ah bawk a la awm a, Gracie Abrams ‘The Secret of Us’ chu 52,000 hralh lehin No.10 atangin No.5-ah a invawrh a, chart No.1 hlui Sabrina Carpenter ‘Short n’ Sweet’ chu 43,000 hralh lehin No.6-ah bawk a la awm a, Lil Baby ‘WHAM’ chu 39,000 hralh lehin No.5 atangin No.7-ah a tawlh a, chart No.1 hlui Morgan Wallen ‘One Thing at a Time’ chu 37,000 hralh lehin No.9 atangin No.8 a kai thar ve leh a, Billie Eilish ‘Hit Me Hard and Soft’ chu 37,000 tling lo deuh hralh lehin No.7 atangin No.9-ah a tawlh a, chart No.1 hlui Taylor Swift ‘The Tortured Poets Department’ chu No.12 atangin No.10 a kai thar ve leh ta bawk.