Bad Bunny ‘DtMF’ a lar ber

Bad Bunny ‘DtMF’ a lar ber
Bad Bunny hla hit ‘DtMF’ chu Billboard Global 200 chart-ah a No.1 a, he chart-a a zawna kar hnih a No.1-na a ni ta. Tunkar chart-a hian a No.1 album ‘DeBÍ TiRAR MáS FOToS’ aTangin top 10-ah hla panga a nei thei a, hetiang hi kar hmasa khan a lo nei tawh bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian kar khat chhunga ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
‘DtMF’ hian kar khat chhungin stream maktaduai 116.7 leh sales 2,000 a la tling thei a, hei h a kar hnih nan a No.1 pui leh ta a ni. Bad Bunny hla dang “BAILE INoLVIDABLE,” “NUEVAYoL” leh “VOY A LLeVARTE PA PR,” te chu No.4, No.5, leh No.8-ah bawk an awm leh a, a hla dang ‘EoO’ chu No.11 aTangin No.10 a kai thar bawk. ‘EoO’ nen hian he chart top 10-a lang thei hla 25 a nei tling ta a, he chart top 10-a lang thei hla ngahah pathumna niin, Drake (35) leh Taylor Swift (33) te chiah a pha lo.
Chart No.1 hlui ROSE leh Bruno Mars ‘APT.’ chu No.2-ah bawk a la awm a, chart No.1 hlui tho Lady Gaga leh Bruno Mars ‘Die With a Smile’ pawh No.3-ah bawk a la awm.
Billboard Global 200 Top 10:
1 DTMF – Bad Bunny
2 APT. – ROSE & Bruno Mars
3 Die With A Smile – Lady Gaga & Bruno Mars
4 Baile Inolvidable – Bad Bunny
5 Nuevayol – Bad Bunny
6 Birds Of A Feather – Billie Eilish
7 That’s So True – Gracie Abrams
8 Voy A Llevarte Pa PR – Bad Bunny
9 Messy – Lola Young
10 EOO – Bad Bunny