Rosé-i’n GWR panga a siam tawh

Rosé-i’n GWR panga a siam tawh
BLACKPINK member Rosé chu Apple Music Top 100 Global Chart-ah No.1 niin, K-pop idol zinga he chart-a No.1 ni thei hmasa ber niin, tihian Guinness World Record panga a siam ta a, K-pop artist zinga GWR panga siam thei hmasa ber a ni bawk.
Rosé ‘APT.’ featuring Bruno Mars chu nikum October thla tawpa an tlangzarh tawh kha ni mah se vawiin thlengin he hla hian huhang a la nei lian hle a, Apple Music Top 100 Global Chart-ah pawh a No.1-a vawrh kaitu a ni ta a ni.
A album ‘rosie’ pawhin Guinness World Record siamin, he album hi a tlangzarh hlimah Billboard 200 (albums) chart No.3-ah a debut thei a, K-pop hmeichhe solo artist zinga he chart-a thleng sang ber a ni a, he album-a a hla ‘APT.’ chu UK Singles Chart-ah No.2 kaiin, K-pop hmeichhe soloist zinga he chart top 10-a lang thei hmasa ber a ni bawk.
Bruno Mars nena an thawh dunna ‘APT.’ hla avangin record hi a siam deuh mawlh mawlh mai a, Billboard Pop Airplay Cart-ah No.1 kaiin, K-pop solo artist zinga US radio chart-a No.1 kai thei hmasa ber a ni a, Asia Artist Awards-ah Song of the Year a dawn pui bakah iHeartRadio Music Awards-ah Best Music Video nomination a neih phah taw bawk.
2021 khan Rosé hi Billboard Global Chart-ah No.1 kaiin, group-a telna nei, soloist anga he chart-a No.1 ni thei hmasa ber a lo ni taw a, 2021-a vek hian a music video ‘On The Ground’ chuan 2013-a PSY record khumin, darkar 24 chungin YouTube-ah vawi maktaduai 41.6 chuang a en a hlawh thei bawk.