Bad Bunny Super Bowl Halftime Show-in viewer 128.2M a nei
Bad Bunny Super Bowl Halftime Show-in viewer 128.2M a nei
2026 Super Bowl Halftime Show Bad Bunny performance chuan TV lam atangin thlirtu maktaduai 128.2 a nei thei, Super Bowl Halftime Show neih tawh zawng zawnga entu ngah lamah palina a ni. Hetihrual hian halftime zaw chiah, second half game an khelhah New England Patriots leh Seattle Seahawks te inkhel chuan entu maktaduai 137.9 neiin, US TV history-a entu ngah ber record a ni.
Super Bowl Halftime Show-a thlirtu ngah ber record siamtu chu nikuma Kendrick Lamar show kha niin, tlirtu maktaduai 133.5 a nei thei a, a dawttu chu 1993-a Michael Jackson performance niin, thlirtu maktaduai 133.4 a nei a, a dawt leh chu 2024-a User performance kha niin, tlirtu maktaduai 129.3 a nei ve thung.
Bad Bunny performance-ah hian Lady Gaga leh Ricky Martin te guest artist niin, he show-a an perform hnuah an hla stream a pung nasa le a, Bad Bunny chu a hlawkpui berah tangin, Super Bowl Halftime Show-a a peform atanga nikhatah a hla stream a zuanin a zuang zawk a ni ber a, nikhat thil thua a hla stream nasat ber dawttu a ni pha a, on-demand official US stream maktaduai 98 a kai a, chu chu Super Bowl hma ni nena khai khinin 27%-in a pung.
Nikhat thil thua stream maktaduai 98 kai theih hi thil namai lo tak a ni a, ni khata a hla stream nasat ber tum pawh a pha teuh hle a, a record chu May ni 6, 2022-a a album Un Verano Sin Ti a tlangzarh ni kha niin, hemi tum hian a album thara hlate bakah a hla hrang hrang ten nikhatah stream maktaduai 98.2 a kai thei a ni.
Bad Bunny bakah Lady Gaga leh Ricky Martin te pawhin an hlawkpui viau a, he show-a Lady Gaga-i’n salsa version a a rawn perform ‘Die With a Smile’ chuan ni khat thil thuah on-demand US stream maktaduai maktaduai 2.46 a kai a, chu chu he show-a a perform hma nikhata he hla stream nena khaikhinin 17% a pung ang a ni a, Ricky Martin hla hrang hrang stream pawhin maktaduai 1.2 kaiin, chu chu he show hma ni khata a hla hrang hrang stream nena khaikhinin 58%-in a pung a ni.