Bad Bunny ‘Where She Goes’ a lar ber
Bad Bunny hla thar ‘Where She Goes’ chu Billboard Global 200 chart-ah a No.1 a, heti hian soloist anga he chart-a No.1 kai thei hla pathum nei tling thei hmasa ber a ni. He chart hi an tih tanna la rei lo a, September 2020 atanga an siam tan chauh a la ni a, khawvel ram hrang hrang 200 chuanga kar khat chhunga hla lar dan tehna a ni a, chart ranking siam nan official-only streams (subscription leh ad-supported audio leh video music services) leh download sales te chu tehna pawimawh a ni.
Bad Bunny ‘Where She Goes’ hian kar khat chhungin stream maktaduai 71 leh sales 3,000 a nei thei a, hei hi chart-ah a No.1 pui ta a ni. Bad Bunny hian Grupo Frontera a thawhpuina ‘Un x100to’ chu May thla chhung khan chart kar hnih a lo No.1 pui tawh a, Jay Cortex a thawhpuina ‘Dakiti’ chu November-December 2020 khan kar thum chhung a lo No.1 tawh bawk a, heti hian Bad Bunny hi soloist anga he chart-a No.1 kai thei hla pathum nei tling thei hmasa ber a ni ta a ni. Soloist-ah chauh ni loah chuan BTS chiah a pha lo a, BTS hian No.1 kai thei hla paruk an nei tawh. Justin Bieber, BLACKPINK, Drake, Olivia Rodrigo leh Taylor Swift nen No.1 kai thei hla pahnih theuh nei tawhin Bad Bunny an dawt a ni.
Hetihrual hian ‘Where She Goes’ hi Bad Bunny he chart-a No.1 thei zingah midang thawhpui nei lo va, amah chauha a No.1-na hla hmasa ber a ni ve thung.
Eslabon Armado leh Peso Pluma ‘Ella Baila Sola’ chu kar thum a No.1 hnuah No.2-ah a tawlh ta a, FIFTY FIFTY ‘Cupid’ pawh No.2 atangin No.3-ah a tawlh a, Yng Lvcas leh Peso Pluma ‘La Bebe’ chu No.3 atangin No.4-ah a tawlh a, chart No.1 hlui Miley Cyrus ‘Flowers’ chhu No.5-ah bawk a la awm.
Billboard Global 200 Top 10:
1 Where She Goes – Bad Bunny
2 Ella Baila Sola – Eslabon Armado X Peso Pluma
3 Cupid – Fifty Fifty
4 La Bebe – Yng Lvcas x Peso Pluma
5 Flowers – Miley Cyrus
6 Un x100to – Grupo Frontera X Bad Bunny
7 Calm Down – Rema & Selena Gomez
8 Last Night – Morgan Wallen
9 Die For You – The Weeknd & Ariana Grande
10 Idol – YOASOBI
Bad Bunny ‘Where She Goes’ a lar ber
Get real time updates directly on you device, subscribe now.