Badminton ranking-ah Sen-a a zuang

Khawvel huapa badminton tourna-ment ngaihhlut hlawh All England-a champion Li Shi Feng hneha Canada Open title la hlimhlawt star Indian shuttler Lakshya Sen chuan kum 17 zet a nghah hnuah a BWF world tour title a hlawhchhuak a, chu chuan Thawh-lehnia tihchhuah thar BWF world ranking-ah pen sarih ngawtin hma a sawntir a, world number 12 a luah ta.
Kum 21-a upa Sen-a hian Pathianni khan Canada rama an khawpui pakhat Calgary-a final match-ah 21-18, 22-20-in Shi Feng a hneh a, a career-a BWF Super 500 title pahnih a lakna ni.
Kha tournament-a a point thawh-chhuah leh nen point 54,901 hum chungin badminton ranking tharah top 10 a hnaih sauh a, Indian zinga sang ber ni mek chunga pakuana luahtu HS Prannoy (67,677) hnunga Indian mipa singles player zinga tawng sang ber niin tun ranking thara chesawn nasa ber a ni nghal. Canada rama a hneh Feng pawh pen thuma hma sawn chungin pasarihnaah a thu ve bawk.
Denmark star Viktor Axelsen chuan point 1,01,205 teh meuh kawl chungin chart-ah hma a hruai chhunzawm a, a hnuaiah Anthony Sinisuka Ginting (95,661) of Indonesia leh Kodai Naraoka (62,063) of Japan-te’n top three an luah khat.