Bagnaia tan MotoGP title hmin teuh tawh

Pathianni zan Moto-GP Qatar Grand Prix-ah hnehna chang zo loin pa-khatna Fabio di Gia-nnantonio hnung chiah-ah thleng mah se cham-pionship hmahruaitu leh defending champion ni bawk Francesco Bag-naia chuan race vawi-khat chauh awm tawh-ah a hmahruaina a sawhnghet leh det a, title la beisei ve thei awmchhun ni tawh Pramac Ducati Spa-niard rider Jorge Martin chu Lusail tlankawng-ah khan 10-na daihah thlengin, Ducati rider Bagnaia lakah point 21-in a hnufual tawh.
Gresini Racing rider Di Giannantonio pha loa lawmman semna dawh-san chungber hnuai chiah luahtu Italian Bagnaia kha Inrinni Sprint race-ah pangana daih niin, Gia-nnantonio erawh pahnih-naah a thleng a, Pathianni race pui berah a \um-khatna atan MotoGP hnehna a sualchhuak.
Kum 26 mi Bagnaia hian kartawp Valencia Grand Prix hmanga season an khar hunah hian sprint race hmangin world title a kawl lai a humhim thei tho dawn a, Inrinnia race hma-hruaiah hian a tlang zo lo a nih pawhin a tuk race-ah tal title hum theihna hun remchang a nei zui leh thei dawn a ni.
Arab tlankawngah khan Mooney VR46 Ducati khalhtu Luca Marini chuan pole posi-tion a\angin pathumna dinhmun a luah a; palina a\angin Bagnaia a tlanchhuak a, a elpui lianber Martin chuan pangana a\angin bul a \an ve thung a, top 10 a luah pha hram a ni.