Bairabi leh Sairang inkar rel kawng siam nan sum dah belh

Bairabi leh Sairang inkar rel kawng siam nan sum dah belh
Parliament Budget session neih mekah Zirtawpni khan Union Minister of Railways, Communications and Electronics & Information Technology Ashwini Vaishnaw chuan Mizoram Rajya Sabha MP K Vanlalvena zawhna chhangin Bairabi leh Sairang inkar rel kawng siam nan sorkar kum thar 2023-2024-ah cheng vaibelchhe 915 ruahman belh a ni tih Parliament House a hrilh.
Bairabi-Sairang rel kawng siam nan hian cheng vaibelchhe 5021.45 sanction a ni tawh tih a sawi a, cheng vaibelchhe 7000 senga he hna hi zawh theih beisei a ni a ti.
Hna zawh theih beisei hun chungchanga K Vena zawhna chu minister chuan, tun dinhmunah chuan chhan hrang hrang vangin sawi chian theih a la nih loh thuin a chhang.
Sihhmui a\anga Mizoram chhim tawp Zorinpui thlenga rel kawng siam tumna a awm em tih zawhna pawh railway minister chuan a chhang a, rel kawng siam hna chu a \ul dan azira thawh \hin a ni, a ti.