David Rush chuan tum khata Guinness World Record title kawl hnem ber nih tuma a beihna chu record siam a hnaih telh telh a, a thianpa nen beach ball lian tha tak, ham puar theih chu darkar khat leh minute riat leh second 52 chhungin vawi 7,827 an in-pass hman a, Guinness World Record an siam.
Rush hian he record hi 2021 khan tuna a record siampui Seth Lemmons nen tho hian an lo siam tawh a, chumi tum chuan vawi 4,169 an in-pass a, mahse, he record hi midangin an rawn khum a, vawi 4,567 in-pass theiin record thar an rawn siam a, tunah Seth Lemmons nen bawk hian an record title la let turin record thar an siam leh ta a ni.
Record siam tur hian beach ball lian, hampuar theih ngei hman tur a ni a, ball in-pass turte hi meter khat tal an inkarah space a awm tur a ni a, ball chu an kut hmang chauhin khawih theih a ni a, lei (chhuat) emaw inchung emaw, bang emaw, thildang engmah a tawk tur a ni lo a, thildang a tawk fuh a nih chuan tawp zui nghal tur a ni.
Rush chuan he record siam tura beih cu nghawng, ban leh dar vel a kham duh ngat ngat hle niin a sawi a, tunah chuan tum khata Guinness World Record title kawl hnem ber nih tuma a beihnaah record 179 a kawl tawh a, record siam turin title 181 a neih a ngai a ni.
Ball lian in-pass tam record siam
Get real time updates directly on you device, subscribe now.
Next Post