Ballot paper inhlanchhawng

Ballot paper inhlanchhawng
Village council/ local council inthlan tura duty neite vote thlakna ballot paper chu Inrinni khan Aizawl district election office-ah inhlanchhawn a ni.
District hrang hranga inthlana duty-ten an duty-na hmun theuhah vote an thlak theihnan ruahmanna siam a ni a, an duty-na district-a vote an thlak hnuah heng an vote thlaka ballot paper hi district tina nodal officer ten Aizawlah kengkhawmin, an bial theuha chhiar turin Inrinni khan Aizawl DEO office-ah inhlanchhawn a ni.
Hetihlai hian inthlana duty tur thenkhat chuan an duty-na hmun an pan hma in district election office ruahmanna in vote an thlak hmasa bawk a. Facilitation Centre duan lawkah an awm mekna district chhunga vote nei sa tan hun hran siamin, district pawnlam mi, vote thlak hmasak dil tan ruahmanna siam a ni bawk.
Inrinni khan Champhai district-a vote nei mi 67-in bawrhsap pisa-a Facilitation Centre-ah vote an thlak a, vote thlak diltu hi 75 awmin, vote tla zawng zawng hi zaa 89.33 a ni.
February 6 khan inthlana mawhphurhna nei district 9-a duty turte chuan hetiang hian vote an lo thlak tan tawh a, Inrinni (February 8) thleng khan hun hawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More