Bana Kaih Inventor’s Challege lawmman late seed money hlan

Mahni ngaihtuahna atanga thil hman tangkai zui tlak siam kawnga sawrkarin inelna, Chief Minister’s Bana Kaih Inventor’s Challege-a lawmman dawngtute hnenah Nilaini khan bul an tanna tur – seed money hlan a ni. Hmanpuitu chief minister Lalduhoma chuan, kan pipute hun atang tawhin hmanrua tam tak kan hmuchhuak ve tawh a. Pipute technology kha a sang viau tih a sawi.
“Thangtharte hian an ni aia tha leh changkang zawk hi kan la siam hleithei lo zawk hian a lang. Darkhuang thar, dar thar hi kan siam leh tawh chuang lo reng reng. Thangthar fing zawka ngaihte hian tan kan lak a tul hle,” a ti.
Inventor ni turin lehkhathiam nih a tangkai rualin, lehkhathiam lem lo inventor ropui tak tak khawvelah tam tak an awm tho tih chief minister hian a sawi a. Miin hmanraw tangkai leh mihring tana tangkai siam a duhna, midang tanpuitu nih duhna, awlsamna thlen thei thil thar hmuhchhuah duhna zawk khan inventor-ah a siam thin, tiin, chutiang rilru pu mi chu tam deuh deuh se an duh tih a sawi a ni.
“Mizoramah innovator leh inventor tam tak kan nei ang tih kan ring a, chu’ng mite dap chhuak a, patent thlenga tihpui hi he challenge-in a tum a ni,” a ti.
eed money dawngtu leh an dawn zat:
Higher Education Institution:
Hardware categrory –
1-na B Lalhruaitluanga (Invention: small LED display for public carrier system)
Seed funding: Rs. 50000
Software categrory –
1-na Lalhlimawma (Invention: e-commerce)
Seed funding: Rs. 300000
2-na Lalruatfela Chhakchhuak (Invention: Tlangau – waste management)
Seed funding: Rs. 150000
3-na Fayek Ahmed (Invention: vehicle accident monitoring)
Seed dunding: Rs. 15000
Open hardware –
1-na HV Lalzuimawia (Invention: bamboo flattening machine)
Seed funding: Rs. 800000
*A thil hmuhchhuah/ siamchhuah hi patent nghal a ni
2-na Ramdinmawia (Invention: hmarcha chi lakna khawl)
Seed funding: Rs. 500000
3-na Chhuanmawia (Invention: puantahna khawl – Zoloom)
Seed funding: Rs. 400000
Open software –
1-na Rodinpuia (Invention: automation system)
Seed funding: Rs. 500000
2-na Sunday Lalbiaknia (Invention: online book store)
Seed funding: Rs. 400000
3-na Hillstech (Invention: precision farming)
Seed funding: Rs. 300000