Bangladesh-ah zirna in te khar

Sorkar hna a quota chungchanga lungawilohna lantirna avanga mi parukin nunna an chan hnuah Bangladesh a school leh university te chu kharin a awm.
University zirlaite chuan ni eng emaw zah chu sorkar hnaa kum 1971 Pakistan aTanga independence theih nana beitu war heroes te fate tana reservation system siam tihtawp ngiatin lungawilohna an lantir a ni. Hna Thenkhat te chu hmeichhia, ethnic minorities leh disabled te tana reserve-in a awm bawk.
Sorkar hna hmun thuma Thena hmun khat chu war heroes fate tana dah hran a ni a. Zirlai te chuan chu system chu inthliarhranna tiin sorkar hnalak chu merit base -a kalpui an duh a ni.
Khawpui hrang hrangah capital Dhaka ah te anti-quota movement thlawptute leh a hnial pawl a bik takin rorel lai Awami League student wing Bangladesh Chhatra League (BCL) te chu an inbei nasa hle a ni.
Zirlai pawl pahnih te hi brick leh tiang ten inbeiin police-te chuan hnawh kian nan tear gas leh rubber bullets te an hmang a. Student activists te chuan zirlai za chuangin hliam an tuar tawh tiin an sawi.
“Tharum thawhna chhuahna hi BCL member te chet lak vang a ni. Lungawilohna lantirtute an that a, police ten zirlai te chhanhim turin chet an la lo” tiin Abdullah Salehin Ayoun, anti-quota movement co-ordinator zinga tel chuan a sawi.
Bangladesh-ah chuan sorkar hna chu a hlawh a That avangin a hlu em em a. Mahse, sorkar hnaa a zahve lawih chu group Thenkhatte tan reserve a ni tlat lawi si a ni.
Sawiseltute chuan he system hian pro-government group Prime Minister Sheikh Hasina, kumin January thlaa a zawna term li chelhna tura thlan tlin thlawptute fate chu a duhsak bik a ni an ti.
Kum 2018 daih tawh khan Hasina sorkar chuan lungawilohna lantir hrep a nih hnuah reservation chu a lo titawp tawh a. Mahse, kumin June thla khan court chuan quota system chu hmang leh turin thutlukna a siam leh si a ni.
Court thutlukna chu duh lovin lungawilohna lantirna a nasa hle a. Officials te chuan tuna lungawilohna lantinaah Chittagong-ah mi pathum leh Dhaka-ah mi pahnihin nunna an chan phah tawh an ti a, Rangpur-ah pawh stray bullet Tawngin zirlai pakhatin nunna a chan bawk.
Media-te chuan nunna chan zinga pathum chu zirlai an ti a, mahse, official-a nemnghehna a la awm lo. Sorkar chuan tharumthawhna chhuakah opposition group te a dem bawk.
“Opposition student front heng Jamaat-e-Islam leh Bangladesh Nationalist Party (BNP) te chuan anti-quota movement-ah zirlaite Tanin anni hi tharumthawhna tichhuaktute an ni,” tiin Law Minister Anisul Huq chuan a sawi.
Bangladesh top court chuan quota system chu kar kalta khan a suspend lailawk a, mahse, permanent a hnawl a nih hma chuan zirlai ten lungawilohna an lantir zui zel rin a ni thung.
“He case chungchang hi 7 August-ah ngaihtuah tura tih a ni a. Zirlaite chu court-ah an Tanna sawi tura hun remchang pek an ni” tiin Huq chuan a sawi.
Students leader te chuan tun hnaia Hasina in quota system duhlotute chu razakar (kum 1971 war laia Pakistani army te puitute sawina) tia a koh chuan a tihthinrim thu an sawi a. Zirlai hruaitute chuan Hasina hmusit taka razakar tia a kohna chuan BCL member te anmahni bei turin a tiphur a ni an ti.
“Kan aw te tihmih tumin huangtau takin chet an la a ni. Vawiinah lungawilohna kan lantir loh chuan naktukah min vaw leh tho dawn. Chuvangin kawtthlerah lungawilohna kan lantir a ni” tiin Rupaiya Shersta, Dhak university zirlai chuan a sawi.
Sorkar minister te chuan Hasina thusawi chu a dik lo va sawi a ni tia sawiin zirlaite chu razakar tiin a sawi lo an ti ve thung.
Mohammad Ali Arafat, state minister for information and broadcasting chuan Awami League student wing te chu tharumthawhna chawkchhuaktu tia puhna chu a hnawl bawk a. Buaina chu anti-quota students tena Dhaka a cheng te an tihThaih aTanga inTan a ni a ti thung.
Hetih lai hian UN Secretary general Antonio Guterres chuan sorkar chu ‘lungawilohna lantirtute humhim tur leh tharumthawhna lam chi reng reng remti lo turin’ a ngen tiin a thupuangtu Stephane Dujarric chuan a sawi.
Zirlaite chuan an demand tihhlawhtlin a nih hma chuan lungawilohna an lantir chhunzawm reng tur thu an sawi bawk.