Bangladesh atangin raltlan pung

Manipur atangin Mizoramah mi sang nga
chuang an tlanchhia a, hei hian Bangladesh atanga raltlan pun thu pawh a hliahkhuh mai thei; tun hnaiah an pung a, Mizorama lut an awm deuh reng tih thu dawn a ni.
April thla vel thleng khan Bangladesh-a Chittagong Hill Tracts atanga Mizorama tlanchhia hi mi 500 vel an ni a, tunah chuan 700 an chuang tawh. Mizoram sorkarin a chhinchhiah danin, raltlan hi mi 783 an ni a, chhinchhiah loh engemaw zat an awm a rinawm tih thu dawn a ni bawk.
BSF an duty ngawrh avangin kuminah Chittagong Hill Tracts atanga Mizorama tlanchhiat tumte hian Mizoram an lut thei thin lo a, chuvangin raltlan zat pawh hi a pung lo deuh reng. Tun hnaiah lut thar an lo awm nual a, mi 800 dawn Mizoramah an awm ta a ni.
Thu dawn danin, tun hnaia lutte hi BSF te hela a ruka lut bawk an ni a, tam thama a ruala kal lovin, mi sawm sawmhnih velte a rualin an kal thin. A tir lamah kha chuan Lawngtlai district-a Parva III an pan ding thin a, tunah chuan Hmawngbuchhuah, Hruitezawl, Mautlang, Chamdur P, Vathuampui te pawh an pan ding tawh.
BSF hela Mizorama lut an nih avangin kawngah pawh an thang rei a, an eitur paiin a daih loh avangin dap chawp te pawh a ngai thin tih thu dawn a ni.
A ruka Mizorama luh tum, BSF te’n an dan kir pawh sang chuang an tlinna a rei tawh a, chutiang karah chuan an sahimna zawngin tun hnaiah mi engemaw zatin Mizoram an thleng thei.

-- Advertisement --

Bangladesh a\anga
raltlan awm zat

Khua Raltlan
Mautlang 46
Chamdur P 96
Va\huampui 67
Parva III 221
Hruitezawl 74
Hmawngbu 118
Hmunnuam 30
Tuithumhnar 108
Bungtlang South 23

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More