Bangladesh in ‘Hilsa Diplomacy’ hnuchhawn

Union Cabinet, Prime Minister Narendra Modi kaihhruai chuan senior citizen kum 70 chin chunglam te an sum lakluh thliarna nei hauh lova flagship scheme Ayushman Bharat Pradhan Mantri Jan Arogya Yojana (AB PM-JAY) a ziahluh vek a remti ta a. He scheme hmang hian chhungkua 4.5 crore vel te bakah senior citizen 6 crore vel te chuan hlawkna chang dawnin, family basis angin free health insurance cover Rs 5 lakh pek an ni dawn a ni.
He scheme hi BJP manifesto a agenda pakhat niin AB PM-JAY hnuaiah mi tupawh kum 70 chinglam chu a socio-economic status thliar hrang hauh lovin he scheme hi a chhawr thei dawn a. Senior citizens he scheme hman tur te chu AB PM-JAY hnuaiah card thar pek an ni dawn a ni.
Senior citizen kum 70 chin chunglam AB PM-JAY scheme hnuaia an chhungkua dahluh tawhsa te chuan additional top-up Rs 5 lakh kum khatah inenkawlna tur an neih belh dawn a, chu erawh an chhungkaw member dang te nena an inhmanawm a thiang dawn lo thung.
Senior citizen kum 70 chin chunglam public health insurance schemes hrang hrang Central Government Health Scheme (CGHS), Ex-Servicemen Contributory Health Scheme (ECHS), Ayushman Central Armed Police Force (CAPF) te ang lo hmang mek tawh te chuan AB PM-JAY emaw nen an duh an thlang thei dawn a ni. Kum 70 chin chunglam te private health insurance policy emaw Employees’ State Insurance scheme la mek te emaw pawhin AB PM-JAY hi an hmang thei dawn a ni.
“AB-PM-JAY hi khawvela health insurance scheme lian ber niin chhungkua pakhat zelah Rs 5 lakh health cover pekna niin mimal 55 crore leh chhungkua 12.34 crore te a tuam vek a ni” tiin Central sorkar thuchhuah chuan a tarlang.
He scheme hnuaiah hian eligible family te chu kum bithliah siam lovin a huam tel vek a. He scheme hi chhawrtu damdawi ina awm 7.37 crore tuam tel vekin chung zinga 49% chu hmeichhia an ni a. He scheme hnuaiah hian mipui te chuan Rs 1 lakh crore lai an hmang tawh a ni.
Tuna kum 70 chunglam senior citizen te huam tir vek hi April 2024 khan Prime Minister Narendra Modi an a lo puan tawh a ni a.
Health Minstry chuan thuchhuah a siamah AB PM-JAY scheme chu a lenbelh zel tia sawiin, a tirah chuan chhungkua rethei bakberh 10.74 crore a huam phawt a, India population aanga rethei zual 40% vel a tuam a ni. A hnuah Government of India chuan January 2022 khan beneficiary base tilianin 10.74 crore aangin 12 crore ah a huamchin a tipung zui ta a ni.
“Scheme chu tihlenbelh leh niin ASHAs/AWWs/AWHs hnathawk te 37 lakh te huamtel tir leh a ni a. Tunah tihlen belh leh niin AB PM-JAY chuan senior citizen kum 70 chin chunglam Rs 5 lakh free healthcare coverage a pe leh dawn a ni” tiin Ministry thuchhuah chuan a tarlang.
Prime Minister Narendra Modi chuan, “Indian tinte tan healthcare man tlawm leh ha, mitin huapzo kan pe dawn a ni. Cabinet hukhawm chuan Ayushman Bharat PM-JAY chu tilianin kum 70 chin chunglam hnenah health coverage a pe dawn” tiin a sawi zui a. He scheme hmang hian khua leh tui 6 crore vel zette chuan hlawkna an chang thei dawn a ni tiin a sawi bawk.
PM Modi chuan PM E-DRIVE Scheme pawh Cabinet a pawm thu sawiin he mi hmang hian green mobility lamah nasa zawka hmalak ni dawnin sustainable future dinna kawngah kawngro a su dawn a ni a ti bawk a.
Prime Minister chuan PM eBus Sewa-Payment Security Mechanism (PSM) scheme an kalpui pawhin danglamna nasa tak a siam dawn tiin a sawi bawk a.
Union Cabinet chuan scheme lian pahnih electric vehicles hman uarna tur Rs. 14,335 crore lawih senna tur remti bawkin he mi hmang hian electric vehicles bus, ambulance leh truck te chu uar zawka hman a nih theih nan hmalak a ni dawn a.
PM Electric Drive Revolution in Innovative Vehicle Enhancement (PM E-DRIVE) Scheme chu Rs 10,900 crore sengin kum hnih kalpui a ni ang a, PM-eBus Sewa-Payment Security Mechanism (PSM) scheme-ah Rs 3,435 crore lai dah a ni b