Bangladesh sorkarin Yunus tei thei lo

Bangladesh top court chuan Nobel laureate leh microfinance pioneer Muhammad Yunus chu charitable trust pathum hnena donation $7 million a pek atangin chhiah $1 million pe tura tih a ni.
Kum 83-a upa Ynunus hi micro-credit bank a din hmanga mirethei maktaduai tel te chawikangtu anga ngaih a ni a, mahse, Prime Minister Sheikh Hasina nena inbakkaihin Hasina chuan miretheite ‘thisen dawtsaktu’ tihialin a sawi.
Yunus hi economic development lama a hnathawh tha avangin kum 2006 khan Nobel Peace Prize pek a ni.
“Supreme Court chuan in ngenna hi a hnawl a ni,” tiin Yunus’ lawyer Sarder Jinnat Ali hnenah a hrilh a. Court hian court hniam zawkin a hmaa thutlukna siama trust hnena donation pekah tax awl a awm thei lo a tih chu a thlawp a ni.
Yunus hian $ 7 million lai chu Professor Muhammad Ynus Trust, Yunus Family Trust leh Yunus Centre hnenah kum 2011 leh 2014 inkar chhung khan a pe a ni.
Court chuan Yunus hian 150 million taka ($1.4 million) atangin chhiah $30 million a pe tawh an ti a.
Yunus hi Bangladesh-a rethei bakberhte khai chhuah an nih theih nan Grameen Bank hmangin thingtlang hmeichhiate hnenah microfinance loan million tel tehmeuh a pe a, Grameen bank hi kum 1980 chhova a din a ni.
Bangladesh-a anti-graft watchdog te chuan Yunus kaihhruai firm te hi nikum khan nasa taka chhuichianna an nei a. Hasina chuan mimal takin Yunus chu eirukna che vela khat bridge project hnuchhawna World Bank a inhnuhdawhnaah Yunus chu a dem a ni.
He bridge hi nikum June khan Dhaka-ah hawn a nihnaah Hasina chuan Yunus chu he lei dawh tibuai zawnga a chetlakna avangin tuiah inhnim rawh se a tihial bawk.
March thla khan khawvel mi langsar zual 40 te an zinga UN chief Ban Ki-moon leh US secretary of state pawh ni tawh Hillary Clinton te pawh telna chuan Bangladesh sorkar hnenah lehkha thawnin Yunus an beih dan chu a felhlel an lo ti tawh bawk.