Baptist Kohhran tirha Mizorama missionary-a kalte zinga Mizoram chhuahsan hnuhnung ber Pi Zomawii (JT Smith), kar hmasa Thawhtanni-a chatuan ram pan ta chu Baptist Kohhran (BCM) te’n Chawlhni khan a sunna hun an hmang.
Pi Zomawii hi Scotland-a Dundee khuaa kum upate enkawlna hmunah chawlhkar liam ta Thawh-tanni khan a boral a ni.
1938-a piang Pi Zomawii hi nurse a ni a, Baptist Missionary Society-in 1964-ah Mizoramah missionary ni turin an tir a ni. 1965-ah a thawk tan a, Serkawn damdawi inah thawkin, nurse zirnaah zirtirtu a ni bawk.
Mizo tawng a thiam nal a, |KP leh BKHP-ah te tangkai taka a inhman bakah Kristian Naupang Pawl enkawltute zinga mi a ni thin.
1968-ah an ko haw a, 1972-ah Mizoram let lehin 1977 thleng a thawk a ni.
Mizoram a chhuahsan hnuah pawh mahni sum sengin China ramah missionary-te puiin a kal leh a, hmun hrang hrangah mahni inchawmin missionary hna hi a thawk leh a ni.
Baptist Church of Mizoram (BCM) chuan July ni 2, Chawlhni-a Pi Zomawii sunna hun hmang turin tualchhung kohhrante a ngen a, kohhran hrang hrangin a sunna hun hi an hmang a ni.
Baptist Kohhranin Zosap Pi Zomawii sun
Get real time updates directly on you device, subscribe now.
Prev Post