Barca chak hram

An thah fel hlawt hnu second 18-na lekah Samu Omorodion chuan rin loh taka Alaves hmahruaina goal thunin, hma taka an goal chhuah hi mualneitu team Barce-lona-in chawlhlawk hma-in sut hman lo mah se second half-a Robert Lewandowski goal hnih tihluh hmangin team talbuai mek lakah 2-1 hnehna an changlet a, point 30 hmuin table-a an dinhmun ngai pathumna an luah chhunzawm.
Poland forward Le-wandowski hian first half tir lam minute 53-ah Ju-les Kounde cross a\ang-in Barca siphurh sutna goal a thun a; minute 78-ah Raphinha hlawh-chhuah penalty a\angin chakna goal ni zui ta a chhuihlut leh.
Kum 35 mi Lewan-dowski khan Spanish top flight season kal laiah goal sarih khawl tling chiahin, game ruk chhung a zawna goal a thun zawh loh mangchhia a\angin a thochhuak a; khati zat game-a goal a khung zawh loh zawn kha February 2011 daih tawh-a Borussia Dortmund thuam a inbel lai hnu lama a thun loh zawn reiber \um a ni.
Pathianni Spanish La Liga inkhel pakhata Alaves hmahruaina Omo-rodion thun kha tun kum zabi kal meka Barce-lona-in home league match-a goal an chhuah ranber \um a ni ve bawk.
Nou Camp an chei-\hat mek avangin Barce-lona Olympic Stadium-ah Catalan team-in mikhual an thleng a, entu an \ha vak lo a, khelmuala \hut-na awm chanve a ruak!
Kha result an hmuh hnu khan pathumna luahtu Barca chuan point liin rinloh taka hmahruai-tu ni mek Giroa an la pha lo a; point hnihin an chung chiaha pahnihna luahtu Real Madrid nen an inthlau bawk.