Manchester City captain Ilkay Gundogan chuan tun thla tawp hian a contract neih lai a hmang zo ve tawh dawn a, inremna dang ziak loin Barcelona lamah free transfer-in a chhuak dawn.
Kum 32 mi Gundogan hi City chuan contract thar an hlui ngei a, mahse, Spanish cham-pion lamin kum thum chhung atan contract hmui leh mawm zawk an sihhmuh a, chu lam chu a hawi zawk ta a ni.
City boss Pep Guar-diola chuan tun season-a Treble champion an nih theihna kawnga thawh-hlawk Gundogan hi la chelh a duh a; Germany midfielder hian 2022-23 season-ah khan game 51 khelin goal 11 a thun tling a; an game khelh hnu-hnung vawisarihah goal ruk thawhin, chu’ng zingah chuan FA Cup final-a Manchester United laka 2-1 hnehna an chan tuma a goal hnih tihluh kha a tel.
Champions League final-a sikhat faia City-in Inter Milan an hneh tumk khan khel tluanin, Pre-mier League leh FA Cup trophy an lak tawh belhchhahin Europe title lian a lakpui leh.
Gundogan hi kum 2016 khan City chuan Borussia Dortmund atangin pound mak-taduai 20-in an lalut a, Etihad club tan game 304-ah goal 60 a khung tling tawh.
Etihad Stadium-a kum sarih a khawsak chhung-in trophy 14 a la tling a, chu’ng zingah chuan Premier League title panga, Uefa Champions League pakhat, FA Cup pahnih, Carabao Cup pali leh Community Shield pahnih a tel.
Brazil midfielder Fernandinho chhuah hnu khan kum 2022-23 tir atangin club captain mawhphurhna a chelh tan a; a chhuah hnuah David Silva, Yaya Toure leh Vincent Kompany-te ang tiat thuakin City-ah hriat zui a hlawh dawn niin football expert thenkhatin an ngai.
Get real time updates directly on you device, subscribe now.
Next Post