Nipa Barad leh Lalmuanpuii’n point 55 thawkchhuakin Luangmual tan kawng a awlsam a, nimin tlai Pro Volleyball League-ah 3-1-in an elpui ber Kanan an hneh.
League-a sang ber nih inchuhin R. Dengthuama Indoor Stadium, Mualpuiah an inkhel a; set khatna an hloh hnuah 23-25, 25-17, 25-12, 25-13-in Luangmual an chak.
Gujarat tleirawl Nipa chuan point 38 hmuin 12 a hloh a, D3 Business Player of the Match lawmman dawngin, a kawppui 2019 Pro Vo-lleyball player tha ber Muani’n vawi 17 vaw tlain tum nga a tisual.
Pro Volleyball-a an tel hmasak berah Luangmualin derthawng loin an elpui team nga an hneh vek a; naktuk, Inrinni zanah set hloh loa an hneh tawh leh league-a palina Bungkawn nen semi-final an khel ang.
Tun season-a trophy pahnih la tawh Kananin lungthu kim chunga kum khar an tumna leh a vawikhat-na’na Pro Volleyball champion nih an tumna a tlahniam ve thung a; June ni 26, Thawhtanni zanah champion lai Bethlehem Vengthlang nen final luh an inchuh dawn a ni.
League khelh li chak zawn ve ve chungin kaithar Luangmual nen an intawng a, a tirah Lalramliani leh R. Laltleipuii’n team tanpuiin inhnehtawk taka an inum hnuah 25-23-in an tlang.
Set an hloh hnuah Luangmual an insiamrem a; kum 18 mi Nipa leh Muani bakah awmze neiin Hming-thazuali a inlan a, inkhel an awpbet zui hneh hle. An ball vuak a nain a dik zawk bakah an kutthlak a inthlau a, net bulah hlauhawm bawkin, Kanan player-te’n an el zui pha lo.
Tleipuii’n point kua hmu mah se tum li a tisual a, Kanan tan mimala thawhhlawk ber niin Rami’n tum sarih a vuak tlak laiin point ruk a paih. |um dang angin thiamna tha an lantir thei lo a, hmasawn ma-mawhin khelmual an chhuahsan.
Hmahruaitu ni tura chak Luangmual
Get real time updates directly on you device, subscribe now.
Prev Post
Next Post