Bawlhhlawh inchhek khawm sa senghawi dan tur ngaihtuah

Urban Development & Poverty Alleviation director Jacob Lalawmpuia leh Lunglei Municipal Council hotute chu Nilaini khan Lungleiah an thukhawm a. Lunglei khawpui chhunga UD&PA department hmalakna an sawiho.
Lunglei khawpui bawlhhlawh paihna hman mek atanga bawlhhlawh leh meikhu chhuak thinin Hauruang leh Sazaikawn khawtlang tana harsatna a thlen dan sawi a ni a. UD&PA leh LMC hotute hian chinfel thuai theih an beisei tih sawiin, hmalak dan tur an rel a, felfai taka bawlhhlawh sawngbawlna hmun thar tur, Solid Waste Management Centre chu zawh fel tep a ni tawh a, Centre-a khawl hman tur pawh ngaihtuah mek a ni tih sawi a ni.
Tutkhawm zawh hian Lunglei Solid Waste Management Centre-I sak mek leh Lunglei bawlhhlawh paihna hmun hi an tlawh nghal a. Bawlhhlawh inchhek khawm sa buaipui dan tur enhoin, Legacy Waste Remediation Project chu a hma thei ang bera kalpui a nih theihnan bawlhhlawh paih lailawkna hmun tur en a ni.
Legacy Waste Remediation Project-ah hian bawlhhlawh inchhek khawm sa chu Pollution Control Board-in dan an duan sa ang thlapa singsak a, bawlhhlawh inchhek khawm sa hai chhuak vek tura ruahman a ni a. Project hi a hma thei ang bera tan tum a ni.