Bawrhsapin NEC project hnuaia training kharna hmanpui

North Eastern Council (NEC) project hnuaia Electrical Wiring leh Puanthui Training kharna, Marpara ‘S’ -a neih chu kar kalta Inrinni khan Lunglei Bawrhsap Ramdinliani’n a hmanpui
Ramdinliani chuan thu sawiin, Ministry of DoNER hnuaia North Eastern Council chuan Lunglei District chhunga Bunghmun RD Block hmun hrang hrangah hmasawnna hna a thawk a, chung zingah chuan Marpara ‘S’ khua develop nan a hran liau liauin project siam a ni, a ti. Indoor stadium, High School building, Training/Capacity building centre, Bazar shed, dumping ground te sak a nih dawn bakah sub-centre thuam \hat a nih tur thu sawiin, hmasawnna hna thawh hrang hrangte chu dik leh tling, chhenfakawm tak a nih theih nan an theihna zawn \heuhah \an la turin kalkhawmte chu sawmin, a \ul chuan contractor hna thawk \ha lote chu thuneitute hnena complaint hreh lo turin a chah hlawm bawk. Training chhuakte chu a lawmpui thu sawiin, an thil zirte eizawn nan an hman mai piah lamah hmun hrang hranga thawn chhuak thei tura hlawhtling ngei turin duhsakna a hlan a.
Thlai thar chhuah leh hralh chungchangah te, thil siam chhuah chungchang leh hmasawnna ruhrel din kawngahte sawrkar tihsak hun ringawt nghak mai lova, sawrkar nawr kal thei khawpa hma la \hin zawk turin kalkhawmte a chah bawk a ni.
Training hi ni 17.10.2023-ah \an niin, ni 18 awh electrical wiring training-ah mi 20 an tel a, ni 30 awh puanthui zirna training-ah hian mi 15 an tel a ni. Training-a telte hian an training chhung DA an dawn bakah, training zawhah hian crrtificate leh eizawnna atana hman chhunzawm tur bungrua \angkai tak tak an dawng bawk a ni. Training pahnihte hi NEC fund hmanga BDO, Bunghmun R.D. Block in a buatsaih a ni.