Rescue team-te chuan Uttarakhand tunnel-a hnathawk 41 darkar 170 chuang tang tawhte chu auger machine-in hna a thawh \hat theih chuan ni hnih hnu velah pawh theihin an awm ang, tiin Union Minister for Road Transport and Highways Nitin Gadkari chuan a sawi.
Gadkari leh Chief Minister Pushkar Singh Dhami te chuan tunnel chimna hmun hi an tlawh a. He tunnel hi Uttarkashi leh Yamunotri chhun pawh tur niin leimin avangin a chhunga hnathawkte chu an tang a. He tunnel hi centre-in Char Dham project a kalpui zinga tel a ni bawk.
Kar kalta chhung khan hnathawkte chhanchhuah a nih theih nan theihtawp chhuaha hmalak tawh niin hasratna tam tak chinfel tur a awm a. Hnathawkte hi eitur leh tui bakah oxygen-te chu pek luh an ni tawh thung.
Gadkari chuan a pawimawh ber chu hnathawkte him dam taka chhanchhuah a ni a ti a. “Auger machine hian hna a thawh \hat theih chuan ni hnih hnu velah chuan kan pawh theih kan ring a. Auger machine chawkluh a nih theih nan BRO te chuan kawng an siam \ha mek a ni. Khawl tam tak kan lalut tawh a, auger machine dang pahnih pawhin hna an thawk mek a ni tiin a sawi bawk.
Chief Minister Dhami pawhin a sorkar chuan chhanchhuah hnathawkin theih tawp a chhuah a ti bawk a. “Nunna chhanhim kan ngaih pawimawh hmaska ber a ni a. Chumi tur chuan state sorkar chuan agency tinte kawng engkima puih a inpeih reng a ni” tiin a sawi bawk.
Chhanchhuah hna thawk hian agencry hrang hrangte an fuankhawm a, chung zingah chuan Prime Minister’s Office (PMO) mi leh sate pawh an tel a. “Mithiamte chuan ruahmanna pakhat chauh ni lovin ruahmanna panga tal siamin a rang thei ang berin hnathawkte kan pawh tur a ni an ti” tiin Bhaskar Khulbe, Prime Minister advisor hlui chuan a sawi bawk a. Hnathawkte chu ni thum ni li hnuah chuan kan chhanchhuah vek theih kan beisei a ti bawk.
Tunnel-a hnathawk 41 tang mekte pawh thei \ep tawh
Get real time updates directly on you device, subscribe now.
Next Post