Bazar luahlut tan

Bazar luahlut tan
Aizawl Municipal Corporation (AMC) nena an inbiakrem tawh angin Treasury Bazar-a thute chuan March 22 – Inrinni atang khan an insawnna tur AMC Multi Complex Tuikual South an luah lut tan a. Chutihrualin a ruala luh thlak vek a la remchan loh avangin AMC nen thu an lo dah tawh, March 22 bik hi chu kawngkama inpho phalsak an ni a, engemawzat lut nghal mah se, kawngkama inpho an la awm a ni.
Bazar chhungah hian sa zuar leh chawhmeh zuar 30 vel an lut nghal a, he bazar-a dawr dang siam theih ho zuar, a lo luah sa mek an awm bawk. Tunkar chhung hian a tam zawk lut tura beisei an ni. AMC chuan March 22 hnu lamah chuan kawngkama inpho hi khap a ni tawh dawn a, thil zuar duhte chuan AMC Multi-Complex Tuikual South building-ah insawn a ngai tiin thu a lo chhuah tawh a. Aizawl veng hrang hranga kawngkama inphote pawh a tahtawlin khap a ni dawn tih a sawi a ni.