Bengaluru-ah Opposition inhmukhawm dawn

Congress te chuan Opposition meeting chu Bengaluru-ah July 17 leh 18-ah neih a nih tur thu an puang a. Maharashtra-a thil thleng chuan Opposition-te inlungrualnaah harsatna siam dawn lovin a tichak zawk dawn an ti bawk.
“Patna-a meeting hlawhtling taka neih zawh tawh a nih hnuah Bengaluru-ah July 17 leh 18, 2023 ah meeting neih leh a ni ang a. Ram hma lam pana kalpui turin fascist leh undemocratic forces te hneh ngei kan tum a ni,” tiin Congress general secretary (organisation) K.C. Venugopal chuan a sawi.
Bengaluru meet-ah hian opposition te chuan an rorelna “Operation Lotus” kalpui theihna lam an ngaihtuah bing dawn tia sawi a ni a.
Pathianni khan Bihar Chief Minister Nitish Kumar chuan JD(U) MP rual te chu Patna-ah a inhmuhkhawmpui bawk a. JD(U) hotu lawk te chuan Kumar chu an thlawp tlat thu an sawi bawk.
“Karnataka inthlan zawh hnuah BJP te tal buaiin an beidawng em em a, hei vang han dawt thu thehdarhin hem thlak an tum a ni. Bengaluru inhmuhkhawmnaah hian BJP tena thuneihna an chan zui zel theih dan te pawh kan sawiho ang,” tiin Communist Party of India (CPI) general secretary D. Raja chuan a sawi.
Hetih lai hian Maharashtra-a thil thleng chu Maha Vikas Aghadi (MVA) — Shiv Sena (UBT), Congress leh NCP te thawhona tihchhiat tumna nia ngaih niin hei vang hian Nitish Kumar chuan NCP president Sharad Pawar pawh a biak nghal thu a sawi a.
Bengaluru-a opposition leader te inhmuhkhawmna neih turah hian West Bengal Chief Minister Mamata Banerjee, Congress president Mallikarjun Kharge leh Congress chiefs hlui Sonia Gandhi leh Rahul Gandhi te pawh an tel dawn a ni.
Congress communication chief Jairam Ramesh chuan BJP Washing Machine chu Mumbai-ah an ICE (Income tax, CBII, ED) te nen theihpalingkawhin an che leh tawh a, BJP te chuan Opposition unity chu tihchhiat ngei tumin chet an la a, an tisual hle ang, tiin a sawi bawk a. “Mumbai operation hian Opposition te chu ngelnghet zawkin a siam,” tiin Jairam Ramesh chuan a sawi bawk.
“Maharashtra-a thil thleng hian kum 2024 a dictatorship chhu chhia a democracy tung ding tura kan tumruhna a tinghet zual zawk,” tiin Trinamool Congress leader Derek O’Brien chuan a sawi bawk.